O Perofeta o le Feagaiga Tuai

Atamu

“E toaitiiti nai tagata na aafia moni i le ata o le faaolataga nai lo le tagata o Atamu.”¹

Sa iloa au e le toatele o tagata o le uluai tagata na ola i le lalolagi, ae anoanoai e lei iloaina sa i ai sou tiutetauave faapitoa ae ou te lei sau i le lalolagi. I le muai olaga, sa ou taitaia autau a le Atua e faasagatau atu i autau a Satani i le Taua i le Lagi,² ma sa ou fesoasoani ia Iesu Keriso e foafoaina le lalolagi.³ Sa iloaina au ia Mekaeli, o lona uiga o se tasi “o lē ua pei o le Atua.”⁴

Na filifilia au e le Atua e avea ma uluai tagata i le lalolagi ma tuuina au i le Faatoaga o Etena, o se parataiso ma le tele o ituaiga o laau ma manu. Sa ia manava i totonu ia te au “o le mānava ola”⁵ ma tuuina mai ia te au se igoa fou: Atamu.⁶

Sa fetalai mai le Atua ia te i maua ma lo’u toalua, o Eva, e aua le aia le fua o le laau e iloa ai le lelei ma le leaga.⁷ Afai ma te le aai i le fua, e mafai ona ma tumau i le faatoaga ma ola e faavavau ai, ae e le mafai ona “alualu i luma e ala lea i le iloaina o mea faafeagai i le olaga faitino”⁸ pe maua se fanau.⁹ O le filifiliga o i maua e faia.

Talu ai ona sa ma filifili e tofo i le fua, o lea na tatau ai ona ma tuua le faatoaga ma le afioaga o le Atua. Ua ta’ua lenei mea o le Pau. Na avea i maua ma tagata faaletino, e lagonaina le lelei ma le leaga o le olaga, ma aumaia fanau i le lalolagi.¹⁰

Na silafia e le Atua o le a tupu le Pau—na Ia auina mai Iesu Keriso e togiola mo a tatou agasala ma faatoilalo le oti ina ia mafai ona tatou toe foi atu ma o tatou fanau ia te Ia.¹¹

Na ma aoao ma Eva e uiga i le talalelei a Iesu Keriso—e aofia ai le faatuatua ia Iesu Keriso, salamo, papatisoga, mauaina o le meaalofa o le Agaga Paia, ma tumau e oo i le iuga—ma sa ma aoao atu i a maua fanau.¹²

Ona o lo’u aafiaga, sa tatalaina oʼu mata, ma sa ou maua le olioli i lenei olaga.¹³ Ia manatua e mafai foi ona e lagona le alofa o le Atua ma toe foi atu ia te Ia pe afai e te mulimuli ia Iesu Keriso,¹⁴ e pei lava ona ou aoao e faia.

Faamatalaga

1. Robert L. Millet, “O Le Tagata o Atamu,” Liahona, Feb. 1998, 4.

2. Tagai i leFaaaliga 12:7–8.

3. Tagai See Robert L. Millet, “O Le Tagata o Atamu,” 10.

4. Taiala i Tusitusiga Paia, “Mekaeli,” scriptures.lds.org.

5. Kenese 2:7.

6. Tagai Mose 1:34.

7. Tagai i le Kenese 2:16–17; Mose 3:16–17.

8. Tala’i La’u Talalelei: O Se Taiala mo le Galuega Faafaifeautalai(2004), 49.

9. Tagai i le2 Nifae 2:22–23.

10. Tagai i le Mose 4:22–31; 5:10–11; Alema 12:21–27.

11. Tagai Ioane 3:16–17; 1 Korinito 15:22; 2 Nifae 9:21; Alema 42:2–15.

12. Tagai i le Mose 5:1–12, 58–59; 6:51–67.

13. Tagai i le Mose 5:10.

14. Tagai i le Mosaea 27:25–26.

15. Tagai Mataupu Faavae ma Feagaiga 27:11.

16. Tagai Kenese 5:5.

17. Tagai i le Mataupu Faavae ma Feagaiga 116:1; Tanielu 7:9–14.

18. Tagai i le Mataupu Faavae ma Feagaiga 29:26.

19. Tagai Mataupu Faavae ma Feagaiga 88:114–16.

Pusa o Faamatalaga Moni: Atamu

• Igoa: Atamu, le Tama o Atamu, le Anamua o Aso, Mekaeli¹⁵

• Tausaga i le taimi na maliu ai: 930¹⁶

• Matafaioi o le muai olaga: Taitaia autau a le Atua e faasagatau ia Satani; na fesoasoani ia Iesu Keriso i le foafoaina o le lalolagi

• Matafaioi o le olaga nei: Peteriaka, tane, ma tama; na fesoasoani e aumaia le Pau; ola i le talalelei a Iesu Keriso.

• Matafaioi pe a mavae le olaga nei: O le a asiasi atu i lona nuu i Atamu-onai-Amani¹⁷; fesoasoani ai i le Toetu¹⁸; taitaia le taua faaiu e faasagatau atu ia Satani¹⁹

Mai le agavale: atavali na saunia e Dan Baxter; Atamu ma Eva i le Faatoaga, saunia e Lowell Bruce Bennett; Tuua le Faatoaga o Etena, saunia e Joseph Brickey; I Faatusa, saunia e Joseph Brickey; O Atamu ma Eva o loo Aoaoina a Laua Fanau, saunia e Del Parson; Faauuina Setu e Atamu, saunia e Del Parson; Atamu-onai-Amani, saunia e Del Parson; O Le Agelu Sili o Mekaeli o loo Faatoilaloina Satani, saunia e Guido Reni/Bridgeman Art Library/Getty Images; tuaata na saunia e Thinkstock a/iStockphoto