O La Tatou Itulau

Talu mai lo’u laitiiti, na aoaoina au e lo’u tina ma lo’u tama e uiga i le malumalu. E mamao ese lava, ae ou te fiafia e alu i ai faatasi ma lo’u aiga.Ina ua faamauina a’u i o’u matua, sa iu lava ina mafai ona ou ulu atu i totonu—e ese le matagofie. O le taimi lenei pe a matou o, ou te nofo i fafo e faatalitali. Pe a ou matua, o le a ou osia ni au lava feagaiga i le malumalu.

David V., 6 tausaga, Nikarakua

Ou te iloa o loo soifua Iesu Keriso, ma e popole o Ia mo i tatou uma, ma ou te iloa e moni le Ekalesia.

Osiris M., 6 tausaga, Pasila

Tris M., 8 tausaga, Pasila

Ou te fiafia tele e usu ia pese o le Ekalesia ma auai i afiafi faaleaiga faatasi ma lo’u aiga. E i ai nai ou tei laiti e toalua e igoa ia Iareto ma Sarai, ma ou te alofa tele ia i laua. Ou te fiafia e fesoasoani i lo’u tina pe a kuka aua pe a ou matua, ou te manao e lelei lau kuka e pei o ia.

Ambar A., 9 tausaga, Ekuatoa

Ou te fiafia e fesoasoani i lo’u tina i le afiafi faaleaiga. O loo mananao lo matou aiga e o i le malumalu ina ia mafai ona matou faatasia e faavavau. Pe a ou matua, ou te fia auauna atu i se misiona e pei o ou tausoga. Ou te alofa i le Tama Faalelagi ma le perofeta, o Peresitene Thomas S. Monson. Ou te fiafia i le pese Peraimeri “O Le Ekalesia a Iesu Keriso.”

Keydi P., 12 tausaga, Honetura

Đ. Văn Hiêp, 11 tausaga, Kemupotia

Sa aoaoina au i le talalelei talu mai le taimi ao ou laitiiti lava. Ina ua valu ou tausaga, sa ou faia le filifiliga e papatiso. Sa ou taulotoina uma mataupu faavae o le faatuatua e 13 mo lena aso faapitoa. Ina ua ou sau i fafo mai le vai, sa ou lagonaina se mea matuai malosi lava. Sa fai mai lo’u tina o na lagona e sau mai le Agaga Paia. Ou te iloa na toefuatai mai e Iosefa Samita le Ekalesia a Iesu Keriso, o le Tusi a Mamona e moni, ma o Thomas S. Monson o se perofeta soifua.

Abigail A., 8 tausaga, Sepania