Mauaina o se Molimau mai le Agaga Paia

Tamara O., Pasila

Ina ua ou auai i le Ekalesia i le iva tausaga, ua leva ona ou talitonu i le moni o le Ekalesia, ma sa ou manatu ai e le tau manaomia le fesili atu i le Atua pe moni. Ina ua auai mo ni nai tausaga, na amata ona ou masalosalo. Ao faia le sauniga faamanatuga, ao ou faalogologo i le viiga “O le Talosaga Muamua a Iosefa Samita” (Viiga, nu. 14), sa ou tatalo ma ole atu i le Tama Faalelagi pe moni le Ekalesia ma pe na vaai moni lava Iosefa Samita ia te Ia ma Iesu Keriso. Sa oo mai le manatu i lo’u mafaufau, ioe e moni le Ekalesia a Iesu Keriso, ma ioe, na vaai Iosefa i le Atua le Tama ma Iesu Keriso. Sa faatumuina ou mata i loimata, ma sa ou lagonaina le mu o lo’u loto i le Agaga Paia.

I le taimi nei e mafai ona ou faamautu atu faapea o le Agaga Paia na molimau mai ia te au i le moni o lenei Ekalesia. Ou te iloa na vaai Iosefa Samita i le Tama Faalelagi ma Iesu Keriso, ma e le mafai ona ou faafitia. Sa tuuina mai e lenei molimau ia te au le lototele e faasoa atu la’u molimau i isi.