Sauniuni Mathildee avea ma Tamaitai Talavou

Saunia e Jenn Wilks, Iuta, ISA

Sa matua fiafia lava Mathilde i le le toe mamao ae alu i Tamaitai Talavou, ae sa le mautinoa po o le a se mea e faamoemoe i ai. O lea sa ia talanoa ai i lona tinamatua. O lona tinamatua o Sister Bonnie Oscarson, le peresitene aoao o Tamaitai Talavou. Sa i ai ni ana fautuaga maoae e faasoa atu!

Fesili atu i lou tina po o tinamatua po o se tasi o tamaitai i lau uarota po o le a se mea o latou manatua e uiga i Tamaitai Talavou. Atonu o le a e mauaina ni nai mea malie.

Ona …

A o i ai Sister Oscarson i Tamaitai Talavou, sa ia mauaina ni pine e ala i le faamaeaina o ausiaga eseese. Sa ia su’iina i latou i luga o se ie faapitoa, faatasi ai ma se fugalaau e faatusa i ai le faamaoni.

… ma i le taimi Nei

O lenei asoa o le a faamanatu atu ia te oe ina ia avea o se malamalama mo isi ma tu atu mo le upumoni ma le amiotonu.

O le a e maua foi ni lipine i le faamaeaina o mea e fai ma galue faatino o le Alualu i Luma o le Tagata Lava Ia.

Ona e maua lea o le asoa a Tamaitai Talavou.

Amataga Fou

Sa alu Mathilde i se gaoioiga faapitoa ua ta’ua o le Amataga Fou. Sa faia se latou lesona malie ma aoao ai e uiga i le Alualu i Luma o le Tagata Lava Ia.

O loo galue foi Mathilde mo lona Taui o le Faatuatua i le Atua ma taulotoina ia Mataupu Faavae o le Faatuatua.

O Se Manatuaga Faapitoa

Sa i ai Mathilde ma le tele o ona tausoga i le Maota Autu mo Konafesi i le aso 6 o Aperila, 2013. Ae latou te lei iloa pe aisea na valaaulia ai i latou uma e lo latou tinamatua e o mai i le konafesi aoao. Sa faateia i latou ma fiafia ina ua lagolagoina o ia o se peresitene o le faalapotopotoga a Tamaitai Talavou!

O Motugaafa mo le Sauniuni a Sister Oscarson!

• Atiina ae se sootaga ma lou Tama Faalelagi e ala i le tatalo ma le faitauina o tusitusiga paia.

• Saili e uiga i le polokalama o le Alualu i Luma o le Tagata Lava Ia.

• Faitau ia tusitusiga paia, Mo le Malosi o le Autalavou, ma le Liahona.

• Amata ona aoaoina le autu a Tamaitai Talavou. O le a e faia i vaiaso uma faatasi ai ma tamaitai talavou.

O i matou o afafine o lo matou Tama Faalelagi, e alofa ia i matou, ma e matou te alolofa foi ia te Ia. O le a matou “laulaututu e fai ma molimau a le Atua i aso uma, ma mea uma, atoa ma nuu uma” a o matou taumafai e ola i tulaga e faatauaina e Tamaitai Talavou, o le:

Faatuatua • Amio Atua • Taua o le Tagata Lava Ia • Poto • Filifiliga ma le Tali Atu mo A’u Lava • Galuega Lelei • Amio Sa’o • ma le Mama

Matou te talitonu a matou talia ma ola i nei mataupu taua, o le a matou saunia e faamalosi i le aiga ma le auaiga, osia ma tausia feagaiga paia, maua sauniga o le malumalu, ma olioli i faamanuiaga o le faaeaga.(Mosaea 18:9)

Ua le mafai ona faatali Mathilde mo …

• Gaoioiga i vaiaso uma

• Faamasani atu i isi teineiti i Tamaitai Talavou.

• Alu i tolauapiga a Tamaitai Talavou.

O Mea Malie Moni

E valaauina e Mathilde lona tinamatua “Mo,” o le faapuupuuina o le upu moder, i le Faasuetena mo tina.

Tamaitai Talavou

Alualu i Luma o le Tagata Lava Ia

Tuaoi na saunia e amiloslava/iStock/Thinkstock