O La Tatou Itulau
I se tasi aso, e lei leva ona ou papatiso, sa ou i le fale o lo’u tinamatua ao alu o ia i le potu i lalo e aumai se mea. Sa lāvea ma pau ai ma sa le mafai ona tu i luga. Sa ia valaau mai ia te au, ae sa ou matamata i le TV ma lei lagonaina o ia. Ina ua mavae le 10 minute, sa ou faalogo i lo’u igoa ma le filemu, “Tom!” Sa ou alu e sue o ia ma maua ai o loo ia taoto i luga o le fola. Sa le lava lou malosi e fesoasoani ai e faatu o ia i luga, o lea sa ou tamoe ai i le fale o se tuaoi. Sa sau o ia ma fesoasoani e faatu i luga ia Tinamatua.
Sa ta’u mai e tinamatua ia te au, “Tom, o le Agaga Paia lea na e faalogo i ai. Sa ou mamao ese mo oe e lagona ai au.”
Ou te iloa o le Agaga Paia na musumusu mai ia te au. O lea ua ou papatiso, ma ua ou fiafia i le mauaina o le meaalofa o le Agaga Paia.
Tom R., 8 tausaga, Siamani
Natalia A., 10 tausaga, Kolomupia
O Olivia I., e 8 tausaga, mai Romania, e fiafia e fesoasoani i lona tina e tapena le fale. E aoao o ia e lona tina ma ana uo e toa 13, ma a fai se latou malologa e fiafia o ia e faataitai o ia o le faiaoga. E fiafia o ia e alu i malaga ma ona matua ma faaalu se taimi ma ona matua matutua. Ina ua papatisoina o ia sa ia lagonaina le matuai latalata atu i le Tama Faalelagi, ma e faafetai e mafai ona ia maua le Agaga Paia e fesoasoani ia te ia i le faia o faaiuga. O lana pese Peraimeri e fiafia i ai o le “Mulimuli i le Perofeta” (Tusipese a Tamaiti, 58).
Liu C., 7 tausaga, Ekuatoa
O Thierry M., e 7 tausaga, mai Pasila, e fiafia e auai i le Peraimeri ma le usuina o pese. Na te iloa o le malumalu o le maota o le Alii.
Ou te fiafia e alu i le lotu faatasi ma lo’u aiga ma aoao e uiga ia Iesu Keriso. I le fale ou te fiafia e faitau ma aoao i tala i tusitusiga paia, usu ni pese, ma taaalo i taaloga i le taimi o afiafi faaleaiga. Ua faamanuia e le talalelei a Iesu Keriso lo’u aiga, ma ou te lagona ai le fiafia. Sa ou ofoina atu le Tusi a Mamona i ni faiaoga se toatolu i la’u aoga ma le aiga o la’u uo mamae, o Miguel.
Martim P., 6 tausaga, Potukale