Manatu Mo Afiafi Faaleaiga

O lenei lomiga o loo i ai tusiga ma gaoioiga e mafai ona faaaoga mo afiafi faaleaiga. O manatu nei e lua.

“Talafaasolopito o Aiga—O Loo O’u Faia,” itulau 58: Fai se gaoioiga o tusigā talaaga! Ia uunaia tagata o le aiga e faamaumau soo se mea e uiga i o latou olaga—se mea e manatua mai i tausaga ua mavae, po o se mea na tupu ia te i latou i lena aso. Fesoasoani i lou aiga ia malamalama e tele auala e faia ai api talaaga. E mafai ona latou tusi, ta i totonu, pe tusi ni tala i totonu o a latou api talaaga, pe mafai foi ona latou pu’eina i latou lava i se masini pu’eleo a o faamatalaina se tala. Ia uunaia lou aiga e faaauau pea ona tusitusi soo i a latou api talaaga.

“Aoao Atili e uiga i le Mea o loo Faapolopoloina,” itulau 64: Mafaufau e fai se gaoioiga mo sauniuniga mo se misiona e pei ona sa faia e le uarota i Nouei. E mafai ona e aoao atua mea lava ia sa latou faia—e pei o le ala e amata ai talanoaga faaletalalelei po o le auala e auli ai se ofutino paepae—po o le taulai atu foi i isi tomai e te manatu o le a faamanuiaina ai tagata o lou aiga i le galuega faamisiona.

I Lau Gagana

O loo maua le Liahona ma isi tusi a le Ekalesia i le tele o gagana i languages.lds.org.