Saunia ae E te le’i Tatalo

Ua faamanatu mai e Peresitene Eyring ia i tatou o le tatalo “o se fesootaiga e lua itu i le va o le Atua ma Lana fanau.” O le faaaluina o le taimi e saunia ai mo a tatou tatalo e mafai ona maua ai lena fesootaiga e lua itu. E mafai ona e faaaogaina lau api talaaga e faaalu ai ni nai minute e sauniuni ai e tatalo i aso taitasi. E mafai ona e faia ni lisi o faamanuiaga e te manao e faafetai atu ai i le Tama Faalelagi, tagata o loo manaomia au tatalo, ma fesili atonu e te manaomia ona taliina. Ona valaaulia lea o le Agaga e ala i le usuina o se viiga po o le faitauina o ni nai fuaiupu o tusitusiga paia. A o e tatalo, ia gauai atu i le auala e taialaina ai oe e le Agaga Paia i mea e tatau ona tau atu, ma gauai atu i ou lagona ma mafaufauga (tagai MF&F 8:2–3). Mafaufau e faamaumauina ou aafiaga i lau api talaaga ma toe iloiloina ia tali e te maua. E mafai foi ona e faaaogaina gaoioiga o loo i itulau 95–97 o le Talai La’u Talalelei: O Se Taiala mo le Galuega Faafaifeautalai e fesoasoani ia te oe e iloilo ai au tatalo ma aoao ia iloa le Agaga Paia.