Gauna ni ivolanikalou

Vakabula e Dua na Vukavuka o Jisu

Mai vei Erin Sanderson

Na dauvolaivola e vakaitikotiko mai Utah, Amerika.

Vulica vata ena yabaki oqo na Veiyalayalati Vou!

Vakasamataka e dua na gauna ko a tauvimate tu. Bau dua li e mai vukei iko mo bula vinaka tale?

Ena Veiyalayalati Vou eda wilika kina na nona yalololoma o Jisu vei ira na tamata era a tauvimate voli. Dua na siga e a lako vei Jisu e dua na tamata tauvi vukavuka. E kila o koya ni o Jisu e tiko vua na kaukauwa me vakabulai ira kece na tauvimate. E vakabauta o koya ni na vakabulai koya o Jisu. A tara o Jisu na vukavuka ka kaya, “Mo savasava mai” (Marika 1:41). Ni vosa oti ga o Jisu sa vakabulai sara ga na tamata o ya.

Ena rawa ni muri we ni yavai Jisu meda yalololoma vei ira na tani ka ra tauvimate se rarawa.

Vulica vakalevu: Na Kosipeli

Na Veiyalayalati Vou e tiko kina e va na ivola dautani ka vakatokai na Kosipeli ka ra a vola e so na tisaipeli iJisu. Tukuna vei keda na kosipeli na bula voli e vuravura nei Jisu Karisito. Na italanoa ni vakabulai ni vukavuka e tiko ena tolu na Kosipeli. Tiko ena Marika 1:40–42 vakatalega na Maciu 8:2–4 kei na Luke 5:12–14.

Vakasama eso ni Veivosaki Vakamatavuvale

Rawa ni ko vakayagataka na ivakaraitaki mai na ivolanikalou ena tabana e 74 mo talanoataka na italanoa mai na Marika 1:40–42. Oti mo qai wilika na Juta 1:22 ka vakarau mo cakava e dua na ka vakavuvale me veisautaka na nona bula e dua. Ena rawa beka ni ko veiqaravi lo tiko vua e dua!

Sere: “Tukuna vei au na italanoa kei Jisu” (iVolanisere ni Lalai, 57)

iVolanikalou: Marika 1:40–42

Vidio: Lako kina Biblevideos.org mo sarava na “Jesus Heals a Lame Man on the Sabbath” and “Jesus Heals a Man Born Blind.”

Muri Mawe ni Yavai Jisu

Dou matanataka vakamatavuvale na nona rawa ni vukei e dua ka vaka tu o ya na nona bula. Vakasamataka ga e dua na ituvaki e rawa ni matanataki!

• E dua na matavuvale vou e toki yani e nomudou yasayasa.

• E so na gonevuli era vakayaco itovo ca tiko vua e dua tale na gone mai koronivuli.

• E dua na vulagi ka sega ni kila e dua e valenilotu sa gole mai kina soqoni ni Lalai.

• Sega ni dua e qito vata kei tacimu tagane se yalewa.

• Tagi voli na gonelailai, ka vakarau ivakayakavi tiko o Tinamu.

• Dua na lewe ni nomu tabanalevu e tauvimate ka sega ni rawa me bubiu mai vale.

Veivuke kina iVolanikalou: Vaqarai ni Vosa

Ena Marika 1:41 na vosa yalololoma e vakayagataki kina. So na gauna e dau tiko ena iVolatabu e so na vosa lelevu ko na sega ni kila na kena ibalebale. Ni ko raica e dua na vosa o sega ni kila na kena ibalebale mo rai sara kina i Vukevuke kina iVolanikalou me vukei iko! Kena ivakaraitaki mo raica mada na “Yalololoma” mo raica na kena ibalebale kei na so tale na tiki ni ivolanikalou e vakayagataki kina. Na vosa cava tale o rawa ni kunea e tiko na italanoa ni nona vakabula na vukavuka o Jisu?