Vakasama ni Lotu Vakamatavuvale

Na ilavelave oqo era umani tu kina na itukutuku kei na itaviqaravi e rawa ni ra vakayagataki ena lotu vakamatavuvale. Koto oqo e rua na vakasama.

“Au Rai Vei Kemuni,” tabana e 30: Me vaka ga na kena vukei Pak Mi-Jung ena nona lewa me papitaiso na qaqa ni sere “AuRai Vei Kemuni,” sa rawa vakakina ni basika na qaqa mai na revurevu ni serenilotu ki na noda bula. Vakasamataka mada e dua na gauna a vakalougatataki kina na nomu bula mai na qaqa ni dua na sere ka vakasamataka mo wasea na gauna oqori vei ira na nomu matavuvale. Sureta na lewe ni matavuvale yadua me digitaka e dua na serenilotu taleitaki ka tukuna na kena veivakalougatataki ki na nona bula. Qai lagata vata kei na nomu matavuvale na serenilotu yadua oqori. (E rawa ni o cakava tiko oqo ena vica na macawa.)

“Masu kei na Valenisoro,” tabana 68: Ni o sa wilika oti na italanoa oqo, vakaraitaka na iyaloyalo se tukuna na veimataqali lotu e tu ena nomu koro ka veivosakitaka na taro eso oqo ena nomu matavuvale: Na cava eso na ka eda tautauvata kina kei na veimatalotu tale eso? E vakaivei beka na nona nanuma na Tamada Vakalomalagi me baleti ira kece na Luvena? Me vakaevei beka na noda raici ira na tamata e duatani nodra vakabauta? Vakasamataka mo vakayagataka na itukutuku ena “Balancing Truth and Tolerance” mai vei Elder Dallin H. Oaks ena Kuoramu ni iApositolo Le Tinikarua (Liahona, Fepe. 2013, 28–35) me vukea na kena saumi na taro eso oqo.