Autalavou

Tausia o se Faamaumauga

Ua faatusatusa e Peresitene Uchtdorf o tatou aso i taimi o le au paionia. E ui e te le’i sopoiaina laufanua valevalenoa, e sili atu ona e pei o le au paionia nai lo le mea atonu e te mafaufau i ai! E mafai foi ona e faaali atu le agalelei, galue malosi, ma manatu lelei. Ma e pei lava ona tatou iloa na faaalia e le au paionia nei uiga auau mama ona o faamaumauga na latou tausia, e mafai foi e au fanau ona iloaina oe e ala i lau api o talaaga.

Faaalu ni nai minute e tusi ai sina mea itiiti e uiga ia te oe lava i lau api o talaaga. E mafai ona e tusia e uiga i mea faaleagaga, e pei o le auala na maua ai lau molimau ma faatoilaloina ai luitau i le fesoasoani a le Tama Faalelagi. E mafai foi ona e fesoasoani i fanau a fanau o fanau a lau fanau (o e atonu e faitau i lau api o talaaga i se aso!) ia iloa pe na faapei aso taitasi o lou olaga. O a ni galuega faatino o loo e faia i le aoga? O a ni foliga o lou potu? O le a lau manatuaga e fiafia i ai e uiga i lou aiga?

A o amata ona e tusitusi sina vaega itiiti i aso uma, o le a le gata o le a mafai ona e tagai manino atu i le auala e fesoasoani ai le Tama Faalelagi ia te oe i lou olaga i aso taitasi, e pei ona Ia taialaina le au paionia, ae o le a e tuua foi se talatuu mo lau lava fanau i le lumanai.