I le avea ai o se aoao e 14 tausaga le matua, o le a le mea e mafai ona ou saofaga moni atu ai i faiaoga o aiga?

E tusa ai ma tusitusiga paia, o le faamoemoega o faiaoga o aiga o le “asiasi atu i fale o tagata taitoatasi, ma apoapoai atu ia te i latou ia tatalo atu ma le leo ma i le mea lilo ma faasaga i tiute uma faaleaiga” (MF&F 20:51). O faiaoga o aiga e “leoleo … ma faatasi ma faamalosi” ia tagata ua tofia i latou e aoao atu (MF&F 20:53). Latou te “lapatai atu, faamalamalama atu, apoapoai atu, aoao atu, ma valaau atu i tagata uma ia o mai ia Keriso” (MF&F 20:59).

Ia fesili ifo ia te oe lava, “E mafai ona ou faia na mea?” O le tali o le ioe. Fesili i lau soa pe faapefea ona mafai ona e saofaga atu. E mafai ona ia fesoasoani ia te oe e aoao e faia ni taimi faatulagaina, faasoa atu le molimau, tuuina atu lesona, ma isi mea. Ona mafai lea ona e vaaia mo oe lava ia auala e mafai ai ona e faamanuiaina olaga o i latou o loo e asia, ma o le a e lagonaina le mautinoa e uiga i le faaaogaina o meaalofa ua tuuina mai e le Atua ia te oe e faataunuu ai lenei mea ma le tele o isi tiute faaleperisitua i lou olaga atoa.