Ou Te Alu I Ai i Se Aso
Ina ua toeitiiti atoa lou 12, sa ou matuai fiafia lava e alu i le malumalu. Sa matou talanoa ma lou aiga pe faapei le i ai i totonu, ma sa ou tilotilo foi i ata o totonu o se malumalu.
I ni nai vaiaso ae ou te le‘i alu e fai papatisoga o le malumalu, sa fai e lo’u aiga se afiafi faaleaiga faapitoa. Ma matou faalogologo i tala maoae e uiga i nisi o o matou tuaa ma aoao e uiga i nofoaga sa nonofo ai pe na faapei o latou olaga. Sa ou iloa foi o le tama o le tama o le tama matua o lou tina sa taia i le feemo o uila ma na sao mai ai! O nisi o o‘u tuaa e o mai mai Egelani, o lea sa matou valiina ai ma o’u tei laiti ia ata o le tagavai o Egelani. Sa ou lagonaina e pei na ou faia se vaega itiiti o le sootaga i ou tuaa.
Sa matagofie totonu o le malumalu e pei lava o fafo o le malumalu. Sa agalelei tagata uma na i ai, ma sa i ai se agaga mafanafana ma le filemu iina. Sa ese lava nai lo se isi lava mea na ou lagonaina muamua. Sa lelei atoatoa mea uma. Na aumai e le uso o lou tina ia igoa o nisi o tagata o le aiga e lei papatisoina. A o matou faatalitali, sa matou vaai faalemafaufau ma lou tina ma le uso o lou tina i nei tamaitai pe na faapei a o ola ai i le lalolagi i le 300 tausaga talu ai. Sa faapitoa lava le i ai o lo‘u tama e papatiso au mo i latou.
O le vaaia o tagata uma o laei papae na ou lagona ai e pei o siomia au e ni agelu. O le malumalu na pei o le lagi i le lalolagi.
Ata na tusia e Jennifer Tolman