Musika i Lo‘u Olaga

Saunia e Sabrina de Sousa Teixeira

E alala le tusitala i Pasila.

Sa ou le toe taina le piano, ona sa ou fefe i le faia o se mea sese. O lenei la ua ou maua ai se avanoa e faatoilalo ai lou fefe.

O lau miti talu mai lou laitiiti o le taina lea o le piano. Ina ua 12 o‘u tausaga, sa aoao au e se tasi e pele o le Ekalesia e ta [le piano]. Mulimuli ane, sa ou mauaina se piano o se meaalofa mai i lo‘u tama. Ae peitai, o le fiafia e taina [le piano] na amata ona mou ese ona sa ou popole lava pe a taumafai e tata i le sauniga faamanatuga. Sa ou faia [taina] ni mea sese se tele, lagona le maasiasi, ma sa le manao e toe tata. Sa ou fai ifo ia te au lava o le a ou toe taumafai i ai seiiloga lava ua maea ona faatele ona ou faataitaia ma mafai ona toeitiiti lelei atoatoa i le taina [o le piano]. Ae na amata ona ou faavaivai ma iu ai i le faatauina atu o lau piano ma le nanaina o lenei taleni.

I le tele o tausaga mulimuli ane, i se tasi o Aso Sa na leai se ta laau. Sa siitia atu le uso o le na taina le piano i le matou uarota. Ina ua ou vaaia tagata o pepese e aunoa ma se piano po o le okeni e o faatasi ma i latou, sa ou lagonaina le Agaga o faamalosiau mai ia te au e talanoa i le epikopo. Sa ou fai atu, “E afaina pe a ou taina [le piano]?” Sa ia taliaina.

I le mavae ai o le tele o tausaga o le aloese mai le piano, sa ou faatoilaloina lo‘u fefe i le faia [taina] o ni mea sese. I lou ofo ai, na amata ona ou tata e pei lava sa le tele se taimi talu ona ou le toe tata. Sa ou faia [taina] ni mea sese i nisi o nota ae sa le tele. O lena aafiaga na ou maua ai le malosi e fautua atu i lo‘u epikopo o le a ou tuuto atu i le taina o le piano i Aso Sa uma.

Ou te faataitaia i vaiaso taitasi, ma ua ou aoao e toe fiafia i le piano. Soo se taimi lava ou te faataitaia ai, ou te lagonaina le malosi o le Agaga i lou aiga. O nisi taimi pe a ou tata, e faatasi mai tagata o le aiga o loo faia ni feau i le pepese. Matou te avea ma e tasi, i le usuina o le pese e tasi.

E toatele tagata o le uarota ua matauina lo‘u alualu i luma ma e faamalo mai ia te au. Ou te faafetai e saofaga atu i le faaleagaga i sauniga a la‘u uarota ma le loto faafetai ua ou toe foi i se taleni sa ou tuua.

Ua ou aoao e talisapaia le musika o le ta piano; o le filemu e na te aumaia e ofoofogia. Ou te faamoemoe o le a tatou faalogo i ai i le lagi i lenei ituaiga musika, ma o ai e iloa, atonu ou te i ai iina e taina mo aufaipese selesitila!

Ata na tusia e Kleyman/iStock/Thinkstock