Mea Taua o Afiafi Faaleaiga

Ua faamanatu e afiafi faaleaiga i le 2015 ni mea tetele se lua na tutupu i lona talafaasolopito.

O le selau tausaga ua mavae, na uunaia ai e Peresitene Iosefa F. Samita (1838–1918) ma ona fesoasoani tagata o le Ekalesia ina ia faataatia ese se afiafi e tutupu ma aoao faatasi ai. Na latou folafola atu o i latou o e faia o le a molimauina le alofa sili atu i le aiga ma le faateleina o le usiusitai i matua. O le mataupu o afiafi faaleaiga sa le o se mea e fou atoa, ae na fesoasoani lenei faamalosiauga mai le Au Peresitene Sili i le aso 27 o Aperila, 1915, ia faasalalau atili atu ai lenei faataitaiga.

O le limasefulu tausaga ua mavae, na faafouina ai e Peresitene Tavita O. MaKei (1873–1970) se faamamafa i afiafi faaleaiga. Ia Ianuari 1965, sa ia faatagaina ai le uluai tusi lesona o afiafi faaleaiga, ma lesona faalevaiaso e aoaoina i totonu o aiga taitasi. I le 1970 na avea ai po o Aso Gafua ma po e fautuaina mo afiafi faaleaiga.

I le taimi nei, o le mavae ai o le 100 tausaga o lona faatinoga ma le 50 tausaga ina ua uma ona toe faamamafa atu lona taua, o loo tumau pea le taua o afiafi faaleaiga i olaga o tagata o le Ekalesia.