Tusigāmanatu o le Konafesi o Aperila 2015

“O le mea ua fai atu ai A’u o le Alii ua ’Ou fai atu ai; … pe i lo’u lava leo po o i le leo o a’u auauna, ua tutusa lava” (MF&F 1:38).

A o e iloiloina le konafesi aoao ia Aperila 2015, e mafai ona e faaaogaina itulau nei (ma Tusigāmanatu o le Konafesi i lomiga i le lumanai) e fesoasoani ai ia te oe e suesue ma faaaoga aoaoga talu ai nei a perofeta ma aposetolo soifua ma isi taitai o le Ekalesia.

Ina ia faitau, matamata, pe faalogologo foi i lauga o le konafesi aoao, asiasi ane i le conference.lds.org.

“O Le Aiga: O Se Folafolaga i le Lalolagi”

“E tolu mataupu faavae o loo aoao mai i le folafolaga ou te manatu e matuai manaomia ai lava ni tagata e puipuia ma le mausali. …

“… Ia tatou fesoasoani i le fausia o le malo o le Atua i le tulai i luga ma le lototoa ma avea ma tagata e puipuia le faaipoipoga, tulaga faamatua, ma le aiga. E manaomia i tatou e le Atua ia avea ma autau lotototoa, tumau, ma lē mafaagaeetia o le a puipuia Lana fuafuaga ma aoao atu Ana upumoni i augatupulaga o i le lumanai.

1. O le faaipoipoga i le va o se alii ma se tamaitai.

2. O matafaioi a tina ma tama.

3. O le tulaga paia o le aiga.

Bonnie L. Oscarson, peresitene aoao o Tamaitai Talavou, “O Tagata e Puipuia le Folafolaga mo Aiga,” Liahona, Me 2015, 15, 16.

Mo nisi tusiga e faatatau i faaipoipoga ma aiga mai le sauniga aoao a tamaitai o le konafesi ia Aperila 2015, tagai ia Cheryl A. Esplin, “Faatumu o Tatou Aiga i le Malamalama ma le Upumoni,” 8, ma Carole M. Stephens, “O Le Aiga e Ou Le Atua,” 11.

Tala Maoae mai le Konafesi

O le a se mea e sili ona pueina lo tatou mafaufau nai lo se tala maoae? O tala nei e tolu mai le anoanoai o tala na faasoaina i le taimi o le konafesi:

• I le faataoto o le lūlū saito, o fea o ituaiga o palapala e te i ai? E faapefea e le iloaina o lena mea ona suia ai lou olaga? —Tagai Dallin H. Oaks, “O Le Faataoto o le Lūlū Saito,” 32.

• O a ni aafiaga faamomoiloto na fesoasoani i se tina talavou se toatasi e toe foi i le talalelei a Iesu Keriso? —Tagai Rosemary M. Wixom, “Toe Fo’i i le Faatuatua,” 93.

• Na faapefea ona faaleleia e se tala ofoofogia a ni auso se toalua o e na noatia i se pa tifato lo tatou malamalamaaga e uiga i le Togiola a Iesu Keriso? —Tagai Jeffrey R. Holland, “Pe a Faatasia le Faamasino Tonu, Alofa ma le Alofa Mutimutivale,” 104.

Ata o le Malumalu o Madrid Spain na pueina e Garrett Wesley Gibbons; ata o se ulugalii ua faaipoipo na pueina e Jenn Jones; ata o se tagata a’e papa na pueina e David Winters

• O Faamanuiaga e Le Mafaatauina o le Malumalu

• O Maatulimanu o le Saolotoga o Tapuaiga