Malamalamaaga

O le aiga o Rasolo o Madagascar o ni paionia i lo latou nuu maotua.

Ae faapefea pe afai e leai ni ou tuaa paionia?

“Ou te alofa ma faamamalu i le faatuatua ma le lototele o na paionia i le popofou o le Ekalesia. O le taimi lena sa va i vasa le mea sa nonofo ai o’u augatama. E leai se tasi o i latou sa nofo faatasi ma i latou sa aumau i Navu po o Uinita Kuota, e leai foi se tasi o i latou sa laasia laufanua valevalenoa i se faigamalaga. Peitai, i le avea ai o se tagata o le Ekalesia, ou te avea ma le lotofaafetai ma le mitamita lenei talatuu o paionia o sa’u lava talatuu.

“Faatasi ai ma lena lava olioli, ou te aveina foi mo’u ia talatuu o paionia o le Ekalesia i ona po nei, o e o loo aumau i atunuu uma, o a latou tala foi o le tutumau, faatuatua, ma taulaga ua faaopoopo atu ai fuaiupu viia fou i le tali o le vii o le malo o le Atua i aso e gata ai.”

Peresitene Dieter F. Uchtdorf, Fesoasoani Lua i le Au Peresitene Sili, “Faatuatua o o Tatou Tama,” Liahona, Me 2008, 68.