Петр, Корнел, тэнгэр элч гурав

Эрин Сандэрсон

Зохиогч нь АНУ-ын Ютад амьдардаг.

Шинэ Гэрээний талаар энэ жил хамтдаа суралц!

Есүсийг амилж, тэнгэрт буцсаны дараа Петр болон бусад төлөөлөгч олон газарт зөвхөн еврейчүүдэд номложээ.

Корнел нь Ромын цэрэг байсан. Тэр Бурханд итгэлтэй байсан ч еврей биш байв. Тэнгэр элч түүнд үзэгдэж, Петрийг авчруул гэж хэлжээ. Корнел Петрийг олохоор хүмүүсээ явуулсан бөгөөд Ариун Сүнс Петрт тэдэнтэй хамт яв гэж хэлжээ.

Корнелийн гэрт цугларсан хүмүүсийн олонд нь Петр заав. Түүнийг тэдэнд Есүс Христийн сайн мэдээний тухай хэлэхэд тэд Ариун Сүнсийг мэдэрч, энэ нь үнэн гэдгийг мэджээ. Петрийг еврей биш хүмүүст номлосон гэдгийг мэдээд, найзууд нь цочирджээ. Гэвч Петр тэдэнд Есүс Христийн сайн мэдээ бүх хүнд зориулагдсан гэдгийг хэлэв. (Үйлс 10:1–48; 11:1–18-ыг үзнэ үү.)

Гэр бүлд өрнөдөг яриа

Maтай 28:19–20-ийг унш. Бид сайн мэдээг хэрхэн хүн бүртэй хуваалцаж болох талаар бод. Найзууд эсвэл хөршүүд чинь сайн мэдээний талаар асууж болох асуултуудыг бод. Та нар гэр бүлтэйгээ хамт уг асуултуудыг асууж мөн хариулах дадлага хийж болно.

Дуулал: Номлолын ажлын тухай нэг дуулал сонго, жишээ нь, “Бид Түүний үнэнийг дэлхийд авчирна” (Children’s Songbook, 172).

Судар: Maтай 28:19–20

Видео бичлэг: Biblevideos.org сайтаас “Сайн мэдээг харийнханд номлох талаар Петрийн авсан илчлэлт”-ийг үз.

Зүүн гар талд: зураг чимэглэлийг Крэг Стэпли; баруун: Хэнрич Хофманы Christ’s Image, зургийн хэсгээс, courtesy of C. Харрисон Конрой компанийн зөвшөөрлөөр хэвлэв.