Mau tamari’i ti’a ’āfaro
E ’ā’amu nō ni’a ia Story
’Ia ora na e te mau hoa !
’O Story tō’u i’oa. Tē ora ra vau i Turkmenistan. E fenua i Asia Rōpū. Mea au nā’u ’ia tai’o, pāpa’i ’e nira i te ’ahu. E mea au nā’u e māta’ita’i i te mau feti’a ’e tō’u metua tāne. ’O mātou ana’e tō’u ’utuāfare te melo nō te ’Ēkālesia i roto i teie fenua.
Te purera’ahia nō Missy
I te hō’ē mahana, ’ua tā’iri mai te tahi vero rahi ’e ’ua mo’e atu ra ta’u mīmī, ’o Missy. ’Ua ’imi mātou nā te mau vāhi ato’a, ’aita i ’itehia mai. ’Ua parau ihora vau ē e nehenehe tā mātou e pure. ’Aita tō’u mau hoa i pāpū maita’i e nāhea, nō reira ’ua fa’a’ite atu vau ia rātou. ’Ua tūturi pauroa mātou i raro ’e ’ua parau te tamari’i hō’ē i tāna iho pure. ’Ei reira, ’ua ti’a fa’ahou mai mātou ’e ’ua pā’imi a’era. Horo mai nei te tahi tamāhine ia mātou ra nō te parau ē, ’ua ’itehia mai Missy e ana ! ’Ua ’oa’oa vau i te fa’a’itera’a atu i te tahi tuha’a nō te ’evanelia i tō’u mau hoa.
Ha’api’i mai roto mai i te tahi ’e te tahi
’Ua haere māua tō’u tuahine ’o Saria i te hō’ē ha’api’ira’a e tamari’i nō te mau fenua e rave rahi. ’Ua au roa māua i te ha’api’ira’a mai roto mai i te tahi ’e te tahi, ’e i te ’āreareara’a.
Mau hāmanira’a ’e te ’āreareara’a
’Ua ani māua Saria i tō māua mau hoa ’ia haere mai i te fare nō te ha’uti. ’Ua pēni mātou, ’ua hāmani i te taiha’a ’e ’ua ’amu’amu. I te tau Noela, ’ua fa’atupu mātou te mau hoa e ora ra nā pīha’i iho i tō mātou nei fare i te tahi ’āru’i fa’a’ite’itera’a.
Te purera’a i te fare
Nō te mea ’o mātou ana’e te melo o te ’Ēkālesia, tei tō mātou fare te purera’a. ’Ua rave mātou i te purera’a ’ōro’a, te hīmene, te taime fa’a’ana’anataera’a ’e te mau ha’api’ira’a o te Paraimere. Nā’u i ha’uti i te piana nō te hīmene.