Tā tātou ’api

E mea au nā mātou ’ia hi’o i te hiero

’A pāpa’i ai au i teie hōho’a, ’ua mana’o vau mai te peu e pe’e au i te mau fa’auera’a, e riro vau i te tomo i roto i te hiero i te hō’ē mahana, mai tō’u nā metua, ’ia tā’atihia vau ’e ’ia fa’atupu i to’u iho ’utuāfare mure ’ore. ’Ua here au i tō’u ’utuāfare ’e i te Metua i te Ao ra.

Manolita G., 8 matahiti (i te taime ’a pāpa’i ai ’oia i teie hōho’a), Chimaltenango, Guatemala

’Ua au roa vau i te haerera’a i te hiero ’e tō’u ’utuāfare. E tere huru ātea mai tō’u ’oire haere i te hiero—fātata e 14 hora. Hō’ē hepetoma mātou i pīha’i iho i te hiero. Tē tīa’i maoro nei au ’ia ti’a tō’u 12 matahiti nō te rave i te bāpetizora’a nō tō’u mau tupuna. Hō’ē o tā’u hīmene au roa a’e, ’o te hīmene ïa « Oh, j’aime voir le temple ». ’Ua hina’aro vau ’ia fa’aipoipo i roro i te hiero ’e ’ia roa’a tō’u ’utuāfare mure ’ore. ’Ua ’ite au e fare te hiero nō te Fatu.

Júlia Q., 11 matahiti (i te taime i patahia ai te hōho’a), Goiás, Beresiria

E mea au nā māua tō’u teina ’ia haere i te hiero nō Merida, i Yucatan i te fenua Mehiko, i te mau taime ato’a e fa’ata’ahia nā tā māua pāroisa e haere. E hāhaere māua nā roto i te mau ’āua ’e e ha’uti mātou ’e te tahi atu mau tamari’i i haere mai i te hiero. Tē fa’aineine ra vau ’ia tomo i roto i te hiero i te hō’ē mahana.

Martha S., 6 matahiti (i te taime ’a pāpa’i ai ’oia i teie hōho’a), Yucatán, Mehiko

Nā Allen E., 10 matahiti (i te taime ’a pāpa’i ai ’oia i teie hōho’a), San Salvador, El Salvador