Te mau mana’o nō te purera’a pō ’utuāfare

I roto i teie ve’a tē vai nei te mau parau pāpa’i ’e te mau ’ohipara’a ’o te nehenehe e fa’a’ohipahia nō te purera’a pō ’utuāfare. Teie e piti hi’ora’a.

« Te mau tamari’i ri’i ’e te ’ōro’a », ’api 16 : I muri i te tai’ora’a te mau metua i te parau ve’a, e nehenehe tā ’outou e tāu’aparau i te mau rāve’a nō te ha’api’i i te mau tamari’i ’āpī nō ni’a i te faufa’a rahi o te ’ōro’a ’e te mau fafaura’a tā rātou e rave i te mahana e bāpetizohia ai rātou. E nehenehe tā ’outou e fa’a’ohipa i te mau pure ’ōro’a (i roto i Te Parau Ha’api’ira’a ’e te mau Parau Fafau 20:77, 79) nō te ha’api’i i ni’a i te mau parau fafau tā tātou e rave i te bāpetizora’a ’e nāhea te ravera’a i te ’ōro’a i te mau sābati ato’a e fa’ati’a nei ia tātou ’ia fa’a’āpī i tā tātou mau parau fafau. E nehenehe ato’a tā ’outou e tu’u mai i te tahi mau mana’o nō te tauturu i te mau tamari’i ’āpī ’ia tūtonu i ni’a i te Fa’aora i te taime nō te ’ōro’a, mai te hāmanira’a i te tahi mau buka hōho’a ’ōhie tei ’ī i te mau hōho’a nō te Fa’aora.

« E tāpura ’ohipa nō te ha’api’i », ’api 62 : Mai te peu e tamari’i pa’ari a’e tā ’outou ’o te tuatāpapa nei i te mau pāpa’ira’a mo’a rātou iho, ’a ’ōpua e tai’o i teie parau ve’a ’e ’o rātou ma te ani ia rātou ’ia tāmata i te mau mana’o i roto i te parau ve’a. E nehenehe e ani i te mau melo ato’a o te ’utuāfare ’ia hāmani i te hō’ē buka tuatāpapara’a ’e e tu’u i te hō’ē fā e pāpa’ipa’i pinepine i roto. I muri iho, e nehenehe te mau melo o te ’utuāfare e ti’a mai nō te fa’a’ite i te tahi mana’o ’e te tahi mea i ’apohia mai ’o tā rātou i pāpa’i i roto i tā rātou buka, i roto i te mau purera’a pō ’utuāfare.