Tere i te fenua i parauhia

I roto i te hō’ē ’āfa’a, ’ua ora na ’o Iareda ’e tōna taea’e ’e tō rāua ’utuāfare ’e te mau hoa. ’Ua haere mai Iesu Mesia e fārerei i te taea’e o Iareda. ’Ua parau ’oia e hāmani i te mau pahī nō te fa’afano i tōna mau ta’ata nā ni’a i te moana i te fenua i parauhia.

’Ua hāmani rātou i te mau pahī ’aita e ha’amāramarama. ’Ua pe’ape’a te taea’e o Iareda i te mea ē, e nāhea rātou i te huti i te mata’i ’e e hi’o. ’Ua parau Iesu e hāmani i te tahi mau ’āpo’o i ni’a i te pahā nō te mata’i.

Nāhea rā nō te mori ? ’Ua hāmani te taea’e o Iareda e 16 ’ōfa’i teatea. ’Ua ani ’oia ia Iesu ’ia tāpe’a i te reira ’e tōna rima ’ia ’ana’ana mai te reira.

’Ua ’ite te taea’e o Iareda i te tāpe’ara’a atu Iesu i te ’ōfa’i tāta’itahi i tōna rima. ’Ua ’ana’ana pūai roa te mau ’ōfa’i. Nō tōna fa’aro’o rahi roa ’ino, ’ua ’ite te taea’e o Iareda ia Iesu Mesia !

’Ua tono te Atua i te mau mata’i pūai nō te tūra’i i te mau pahī nā ni’a i te moana. I te tāpaera’a atu rātou i te fenua i parauhia, ’ua pure te mau ’āti Iareda nō te ha’amāuruuru i te Atua i te pārurura’a ia rātou.

E nehenehe tā tātou ’ia riro mai te taea’e o Iareda i te taime e ti’aturi tātou i te Atua ’e e fa’aro’o tō tātou ia Iesu Mesia.