Iango Ibukin Bootakin te Utu n te Tairiki

Te Rongorongo aei iai inanona taeka ao waaki ni kakukurei ake a kona ni kabonganaaki ibukin bootakin te utu n te tairiki. Aikai uoua katooto.

“Ataei aika Uarereke ao te Toa,” iteraniba 16: Imwiin warekan taekan te onimaki ngkai kaaro, kam kona ni maroroakin kawai n reireiniia natim aika uarereke kakaawakin te toa ao berita aika tabu are a na karaoia n te bong teuana n te bwabetito. Ko kona ni kabongana te tataro n toa (are e reke n Doctrine ao Covenants 20:77, 79) n reirei taekan te berita are ti karaoia n te bwabetito ao aron anaakin te toa ni katoa Taabati are ti kona iai ni manga kabouii berita akanne. Ko kona naba ni kareke iango ni buokiia ataei aika uarereke ni kabanei nanoia iaon te Tia Kamaiu n tain te toa, n aron karaoan tamnei aika beebete ni booki ake a kaonaki n tamnein te Tia Kamaiu.

“Bwaai aika Tangiraki ibukin te Reirei,” iteraniba 62: Ngkana iai am ataei aika a ikawai ake a kamatebwai koroboki aika a tabu i bon irouia, iangoa warekan taekan te onimaki aei ma ngaiia ao ni kaoia bwa a na katai iango man taekan te onimaki. Ko kona ni karekeia kaain te utu n tatabemaniia nako ni karaoi oin aia kamatebwai n te tienoo ao ni karaoi kouru ni korei n tainako. Kaain te utu a kon n anganano bwa a na tibwai aia iango ao aia namakin man aia tienoo n tain te kainutu n taai aika a na roko.