Kairake

Te Ai ao te Reirei ibukin te Ongotaeka

E taekinna n te taina Beretitenti Thomas S. Monsonn taekan te tai are ngke e reiakina iai kakawakin te ongotaeka. Ngke e koro waniua ana ririki, ana utu a kawara aia kaebin n te maunga. Ngaia ma raoraona a tangiria ni kouta utenten te tabo arei bwa a aonga ni karaoa aia tabo ni kaura ai n aia tai ni kaembwa. A kataia ni kaitiaka te uteute ni buritia ni baia, ni katikia ni kaintoaia n aron ae a kona, ma ai te onrake naba baia n te uteute. E kamataata Beretitenti Monson, “Ao ngkanne katokana are nakoraoi are e roko kanga ai aron ana iango te ataei ae waniua ana ririki. I taku nakon Danny, ‘Te bwai ae ti riai ni karaoia ti na kaurai uteute aikai n te ai. Ti na tii kabueka te mronron inanon te uteuteu’”.

E ngae ngke e ataia bwa akea kariaiakana ni kamanena te matiati, e biri n oki nakon te kaebin ni kakaei tabeua, ao ngaia ma Dany a kaura te ai n te tabo are e rawata uteutena. A kantaningaia bwa e na bon mate i bon irouna, ma onean mwiina e tabe n rikirake te urarake arei ao ni kakamaaku. E biri ma Danny ibukin buokaia, ao n te tai ae waekoa a bane ni biri kairake n ikawai bwa a na tiringa te ai imwaain ae e rakanako nakon taian aroka.

E reitianako Beretitenti Monson, “Ngai ao Danny ti reiakin kaangaanga tabeua ma reirei aika a kakawaki n te bong anne—teuana mai buakon te reirei bon kakaawakin te ongotaeka.” (Taraa “Te Ongotaeka e Uota te Kakabwaia,” Riaona Meei 2013, 89–90.)

N aron are e karaoia Beretitenti Monson, kam a tia n reiakina te ongotaeka n te kawai ae matoatoa? Tera taian kouru ake ko kona ni karaoi ni kateimatoa manom rinanon te ongotaeka n taai aika a na roko?