Bwanaaia Aika Itiaki ni Boong Aika Kaitira
Te Bubuti ibukin te Nanoanga
Kamataata n te Korotamnei iroun Stan Fellows
N te mwananga nakon te kaawa ae uakaan i Estonia, I noora te mwaane ae bubuti ibukin te mwane. N ae kamiimi, I kinaa man te tai are I karaoa te mwakuri n mitinare iai n te kaawa anne 10 te ririki mai imwaaina. E uouota te baeki ni bwatoro aika kanoana taian rabwa, n aron are e kakaraoia mai imwaaina, n rikorikoroi ibukin manga kamanenakiia ni karekemwane. I uringnga e aki toki ni bubuti ibukin tataran te nikira, ao ngkana ko anganna tabeuta e na bae ni bubuti ngkana iai riki.
I kubanako ngke I nooria. Ao imwiin 10 te ririki bon arona naba arei––ma e a iaia riki irana, ma kanga taraakina ai kaman aron maiuna arei ae ai te bubuti naba taekan te mwane ni katoa bong. I iangoa kakateken te 10 n ririki anne are I maiu inanona n taai aikana riki, are e raonaki ma te mare n te tembora, karekean te reirei, kakaean te mwakuri, ao te kakatia n tamaroan te marurung.
I taku bwa aei te kabanea n tai ae I nooria iai, ao I namakinna bwa e riai n iai te bwai ae N na anganna. Te kaangaanga bwa ai tii arei au mwane te taaraa are e a rang kakawaki riki nakon are N na anga. I nanokawaki ao n raraoma teutana n te rinerine are I karekea––akea ae N na anganna ke n anganna riki nakon are I rang tangiria. I baireia bwa tiaki te bae e na karika te bitaki ae bubura ibukiu ao N na kakukureia, ngaia are I anganna te mwane.
Ni kaania uabong te bong imwiina I kuneai bwa I mena naba n te aekaki ni kaangaanga anne, ma n te tai aei Ngai temanna are I bubuti ibukin te nanoanga. E mangao irou bongin te namwakaina ae kakawaki ibukin te bubuti taekan te mwane ni buokan au tikaoratibu ibukin te reirei. I taku bwa I a kaman nikiria uoua te wiiki mai mwaaina, ma I maaku ngke I a manga moan tuoa riki bongin namwakaina ao n nooria bwa I kanakoa teuana te bong rimwiina.
Mwaitin te mwane ni buoka bon 100 raoi te tai te mwaiti are I a tia n angan te tia bubuti, ao I a bon aki kakoaua ae e manennanti. I kuneai ni bubuti ibukin te nanoanga, n te tatataro nakon Tamau are i Karawa ao kanakoan te emeeri nakoia aobitia n te iuniwetiri. A taku bwa a na karinna n raonna ma au reta ni bubuti ma taekana ae e a rimwi.
E kaekaaki au tataro ao I kakabwaiaki ni karekean te mwane ni buoka ibukin te tikaoratibu, are e a buoka aron au kataumwane ma kainabau n ae rang mwaiti. Ma ae kakawaki riki te taneiai ae riki aei e reireinai te reirei ae rang kakawaki (taraa Motiaea 4:19