Bwanaaia Aika Itiaki ni Boong Aika Kaitira

E Buokai te Mataniwi Moronaai n Reireiniia Ataein te Reirei Aika 12 nakon 15 Aia Ririki

Ben Floyd

Washington, USA

Kamaataata n te tamnei iroun Allen Garns

I mena i nukan te ririki ae moan te kaangaanga n reireiniia ataei aika 13- ao 14-aia ririki. I a tibwa oki man te bowi ae kabononano ma te kauoman ni burintibo n rinanoa ana kiraati ao n rinanon bwaai ake e na kanakoraoa ana anga reirei. Bukina bwa ngai te tia reirei ae boou ao I kainnanoia bwa N na karioi angiin au reirei, I kunea bwa I korakai ni kataia ni kanakoraoi aia bwai n reirei ao ni kaungaia. Ni uarereken te marooro e roko ae I riai ni kairoroia ataein au reirei bwa ana karaoa aia rinerine—karaoa am bwai n reirei ke ko na reke n te kaangaanga—ao n irianaki ma au taeka ni kauring.

I kitana te maungatabu ma te nanokawaki ao n rawawata. I karaoia bwa te iango ni karaoa te boowi aei bwa te titiraki n te bong anne ngke I kamatebwai booki aika tabu n te bong are imwiina. E kamiimi, bwa a roko kaeka nakoiu ngke I wareware man Ana Boki Moomon.

I tataro bwa n na reirei man booki aika tabu n te moaningabong anne bwa n na kanga n riki bwa te tia reirei ae nakoraoi riki. E reireinai te Tamnei ae Raoiroi ngke I wareka taekan te Mataniwi Moronaai n Aramwa 44. N te karaki n te tai aei, te Mataniwi Moronaai ao tenaan Nibwaite a katobibiia Reimwanaite n te karaanga are Titon ao ni kakamakuia ni karokoa te tai are a kabwakai aia bwai ni buaka Reimwanaite I waaki nako ni wareware, n iangoia bwa n na kanga n riki n aron te Mataniwi Moronaai inanon te umwanreirei: n tararua, ni koaua raoi, ao n nakoraoi.

I wareka ni kabane te karaki ao ni kunea Moronaai n tuangiia Taraemena ao Reimwanaite ae a tia n ni imanonoaki bwa a na karaoa te rinerine: “Kam na anganiira ami bwai ni buaka, ao … ti na angani ngkami maiumii, ngkana kam toui kawaimi ao n aki manga buaka ni kaitaraira riki” ke ngkana “kam aki karaoa aei, … N na tuangiia au aomata bwa ana bwaka iaomi” (Aramwa 44:6, 7). I ataia ae e karaoa te bwai are e a tia n tuangai au tia kamwakuri bwa n na karaoia! “Anganiia uoua rinerine, ao rimwiia nako,” e a tia n taekinna. Ma anne n au iango, I ira ana motoo Moronaai, “Noria, ti na katoka te buaka n tokina” (Aramwa 44:10).

N tauraoiu ni kabonganai reirei aika I a tia n reiakin inanon karaki man booki aika tabu iaon taekan temanna au ninikoria, I oki nakon te kiraati ao ni koaua ma au babaire n te bwai ae n na karaoia. I karekea katotoongan te Mataniwi Moronaai ae karaoaki, ao e tekateka inanon buan au kabaraaki n nikiran te ririki n te reirei bwa te kauring n aron ana reirei nakoiu te Mataniwi Moronaai ni kaira te reirei n te umwanreirei n te koraki are i nuuka. Ngke I anganiia ataein au reirei uoua rinerine, aroaroia a nakoraoi riki, a karaoa aia mwakuri, ao ti a nakoraoi riki. E bane te ririki, ma e teimatoa ni matoatoa, ma te tataro ae kaekaaki ao mwaakan booki aika tabu, I a kona ni “katoka te itabararaa.”