Ua Uma Ona Ou Filifili

Saunia e Madison Thompson

E alala le tusitala i Iuta, ISA.

Sa ou mauaina i se tasi taimi se lesona taua i se vasega a Tamaitai Talavou i le mama i feusuaiga—o se autu e toatele le autalavou na feminoiai ai i o latou nofoa. Ou te le manatua mea uma sa ou aoaoina i lena aso, ae ou te manatua lou taitai o talanoa e uiga i se tasi o ona tulaga faatauaina faaletagata lava ia—e tumau pea le mama mai feusuaiga. Na tumau pea ana upu ia te au, ma ona ou faia lea o le faaiuga atamai e avea foi ma ou lava tulaga faatauaina faaletagata lava ia.

I se tasi aso a o ou tietie atu i le fale i luga o se pasi mai se gaoioiga tau taaloga, sa amata e se tasi i luga o le pasi se taaloga o le upumoni po o le lototele. I le lelava, o nisi o isi tamaiti ma au foi na auai atu loa. Ina ua oo mai i lou taimi, sa tuuina mai ia te au e faia se mea na ou iloa e le sao. O lenei mea semanu e avea ma se filifiliga faigata mo au e faia, ae na oo mai upu a lou taitai o Tamaitai Talavou i lou mafaufau, ma na faigofie le filifiliga. Sa ou teena vave lava. Ua uma ona ou faia lau filifiliga i le mea ou te faia i lena tulaga.

Ou te iloa pe a tatou o atu i le lotu ma faia ai se avanoa mo mea ua aoaoina ai i tatou iina, o le a faamanuiaina i tatou i se malosi faaleagaga e sili atu ma le puipuiga mai faaosoosoga o le lalolagi.