Tala ia Iesu
Sa Papatisoina Iesu
O Ioane le Papatiso o se perofeta maoae. Sa ia aoaoina tagata ia salamo. Ona ia papatisoina ai lea o i latou.
I se tasi aso sa papatiso ai e Ioane tagata i le vaitafe o Ioritana. Na sau Iesu ma fai atu ia Ioane e papatiso ia te ia. Na iloa e Ioane o Iesu sa leai se agasala. Aisea na manao ai Iesu e papatisoina?
Sa fetalai atu Iesu e tatau ona ia usitai i poloaiga uma. O le papatisoina o se poloaiga.
Ina ua uma ona papatiso e Ioane ia Iesu, na oo mai se lupe e faaali atu sa i ai le Agaga Paia iina. Sa oo mai le siufofoga o le Tama Faalelagi mai le lagi, ua faapea mai, “O lou Atalii pele lena, ua ou fiafia lava ia te ia” (Mataio 3:17).
E mafai ona tatou usiusitai i poloaiga ma filifili e papatiso, faapei o Iesu. Ona mafai lea ona faamauina i tatou ma maua foi le meaalofa o le Agaga Paia.