O Leo o Le Au Paia o Aso e Gata Ai
Faiaoga Asiasi, Talafaasolopito o Aiga, ma Tina
Sa ou auai i le Ekalesia ina ua 20 o‘u tausaga. E lei leva ae ou faaipoipo i se alii mai le uarota, ma na ma siitia ese ona o le galuega. Ina ua 22 ou tausaga, sa fanau mai le ma tama tama muamua. I lena taimi, o ou faiaoga asiasi sa amata ona asiasi soo mai ia te au, e ui lava ina sa matou nonofo i le faatausiusiuga o le tuaoi o le uarota.
Talu ai ona o au o se tina fou i le taimi lena, na tau mai ia te au e lou mafaufau ou te manaomia ona maua se fesootaiga ma lou lava tina. Ae sa ou le maua soo se fesootaiga ma ia i le valu o tausaga ua mavae ina ua tetea ou matua. I taimi taitasi e o mai ai ou faiaoga asiasi, matou te talanoa e uiga i ai, ma sa ou lagonaina faapea o le Agaga o loo augani mai ia te au e fai lenei laasaga faigata.
Na matou talanoaina pe faapefea ona ou mafai ona amata le toe fausia o lo ma sootaga talu ai o lou tina e le auai i le Ekalesia. Na suia le tele naua o mea i lou olaga i le valu o tausaga lena ua mavae talu ona matou le toe fesootai. Ona o le uunaiga malosi a le Agaga, sa ou filifili loa e faafesootai muamua le tina o lou tina. Sa tauaso lou tinamatua, o lea sa auina atu ai ana meli i le uso o lou tina o le sa tausia o ia.
Sa ou maua se tusi matagofie e tali mai ai, ma matou o ai e nonofo mo se asiasiga faatasi ma lou tinamatua ma le uso o lou tina. Sa faateia ma fiafia lou tinamatua ma fai mai na ona ou tu lava e vaai lana tama teine—lou tina—i lo matou foi atu i le fale. Sa fiafia tele o ia.
O lou tinamatua sa lotu Luteru, ma sa alofa o ia i le Faaola. A o matou nonofo faatasi ma i latou, e faitau atu e lou toalua ia te ia i taeao taitasi le Tusi a Mamona. Sa matuai fiafia lava o ia. Ina ua mavae ni nai taeao, sa lagonaina e lou toalua ma lou tinamatua le faatumuina atoatoa i le Agaga o lea na alu ai lou tinamatua i lana kesi ma aumai i fafo se tusi o le gafa lea na tausia e lou tamamatua ua maliu ma faaali mai ia te ia. Sa i ai augatupulaga e valu na lisiina faalelei lava, e aofia ai e oo lava i a latou galuega. Sa matuai fiafia lava lou tinamatua ao matou nonofo faatasi ma ia, ma na ou folafola atu ia te ia o le a ou asiasi atu i lou tina i lo matou foi atu i le fale, lea na ou faia.
E lima vaiaso ina ua mavae la matou asiasiga i lou tinamatua, sa maua ai o ia i le supa ma maliu ai. E lua tausaga mulimuli ane sa ou faatinoina ai galuega o le malumalu mo ou tuaa mai le faamatalaga a lou tinamatua.
Ua ou mauaina nei se sootaga lelei ma lou tina. Matou te nonofo i le taulaga lava e tasi, ma e fesoasoani o ia ia te au i la ‘u fanau i nisi o taimi.
A aunoa ma asiasiga masani mai ou faiaoga asiasi, o e na faamalosiauina ma lagolagoina au i lea taimi, semanu e le faaosoosoina lava au e fai lenei laasaga e faaleleia ai lou sootaga ma lou tina. Sa faamanuiaina e le gata o au ao le tele o augatupulaga.