O Leo o Le Au Paia o Aso e Gata Ai
Na Maua Au e Ou Faiaoga Asiasi
Ao avea au o se tina talavou ma se atalii e lua-tausaga-le matua, sa ou nofo mo sina taimi puupuu i Santa Catarina, Pasila, ma sa iloaina na oni nai tagata laiti lava o le Ekalesia iina. Sa ou nofo i se pitonuu ua faatupulaia le toatele ae mamao ese, o lea sa le toatele ai ni tuaoi e latalata atu i lou fale.
I se tasi aso sa amata ai ona ou lagona le mai tigaina ma na vave ona leai se vai i le tino. E lei umi ae ou le mafai ona tu i luga e tausia lau tama tama pe alu i se telefoni e sili ona latalata i le auala e valaau atu i lou toalua. Sa amata ona ou tatalo, ae faatasi ai ma taumafaiga taitasi e tu i luga, sa ou lagonaina ua sili atu le vaivai.
E lei umi ae tuitui mai ou faiaoga asiasi i lou faitotoa. Sa vave ona la iloaina sa taitaiina mai i laua e le Tama Faalelagi ia maua au. Na la saunia se vaifofo mo au, fesoasoani ia te au i lau tama tama, ma fufulu ipu. Ona la tau mai lea ia te au faapea sa la savavali mo sina taimi e sue lou fale ma na mafaufau e toe foi, ae sa tau atu e le Agaga ia i laua e aua.
E oo atu i le taimi na la tuua ai au, na ou lagonaina lava ua faasolo manuia. A e la te lei tuua au, ma matou faia faatasi se tatalo.
Atonu la te le o iloaina le tele o lo la fesoasoani ia te au ma na faafaileleina ai au faaleagaga i le la faataitaiga o le agalelei ma le vave ona faalogo atu ma usitai i le siufofoga o le Agaga.