Fanau ma le Fatu
Valiina o le Alofa
Talofa! O lo’u igoa o Lucy!
Ou te nofo i Iuta, ISA, ma lou aiga. Ou te fiafia e vali ata, ma ou te fiafia e faasoa atu le alofa i isi.
Amata ona Malosi
Na fanau mai Lucy ma se le atoatoa o le tino ua mafua ai ona le galulue faatasi ona musele. Sa faigata ai ia te ia ona foloina meaai ma tautala. Sa ia tietie i se uila vilivae faapitoa ma e o i savaliga sopo ma lona aiga e fesoasoani ia te ia ia malosi atili ai.
Vali
O le tina o Lusi, o se tusiata. Ao pepe lava Lusi, sa ia fiafia e matamata i lona tina ao vali ata. O lenei ua aoaoina o ia e lona tina ia vali ata foi. E fiafia Lucy e faaaoga lanu e foliga matagofie faatasi, ma e vali ata o ia ma le faaeteete tele. I se aso, e manao o ia e fai se la fale ata vali ma lona tina.
O Le Fatu o Lucy
Na ofi atu Lusi ma ona uso matutua i se tauvaga o faatufugaga i le latou aoga e uiga i le faia o le lalolagi o se nofoaga e sili atu ona lelei. Sa iloa e Lusi sa manao o ia e vali se fatu. Sa ia fai mai, “O le a avea le lalolagi o se nofoaga e sili atu pe afai e i ai le alofa i o tatou loto.”
O Se Uso Alofa
Ina ua iloa e Lucy o lana atavali na sili i le tauvaga, sa ia tau atu i lona uso o Ruby, “O lau ata e ese le manaia. Ou te moomoo maimau pe ana e manumalo nai lo au.” Na le talitonu Lucy ina ua ia iloa o lana atavali na manumalo foi i le tauvaga mo le Iunaite Setete atoa!
O Se Auala Faapitoa e Fesootai Ai
E faigata mo Lusi ona tau atu i isi mea o loo ia lagonaina. Ae e manao o ia e fesoasoani i tagata ia lagona le alofaina ma le fiafia. Ma o ana atavali e faia lena mea!