Aisea e le tele ai so tatou iloa e uiga i lo tatou Tina Faalelagi?

Ua tatou iloa o loo i ai so tatou Tama Faalelagi ma se Tina Faalelagi foi. O lenei malamalama e foliga mai na amatalia e Iosefa Samita, ma sa faaauau pea ona faamalosia e ala i aoaoga musuia a taitai o le Ekalesia i le aluga o tausaga. Ae peitai, i tua atu o le i ai o se Tina Faalelagi ma le matafaioi o o tatou matua faalelagi i le galulue faatasi mo le faaolataga ma le faaeaga o a latou fanau, e leai ni isi faamatalaga auiliili e uiga i le Tina Faalelagi na faaalia mai. Mo le taimi nei, ua lava lo tatou iloa e malamalama ai o i tatou o fanau a ni matua faalelagi, o e mananao ia i tatou ia avea faapei o i laua. O lenei malamalama e fesoasoani ia i tatou e iloa ai po o ai i tatou ma tagata e mafai ona avea ai i tatou. Ua faaalia ai ia i tatou o le itupa o se vaega o lo tatou faasinomaga e faavavau ma o alii ma tamaitai e le mafai ona faaeaina e aunoa ma le tasi ma le isi. Ma o ni upumoni lē taatele ma taua ia i latou lava.

Mo nisi faamatalaga, tagai i le “Tina i le Lagi” i le topics.lds.org.