Talaaga Otooto o Talavou Matutua
Tofo i le Lalolagi i Aferika i Saute
E alala le tusitala i Iuta, ISA
O tulaga ma aganuu eseese e le taofia ai le Au Paia o Aferika i Saute mai le sailia e le tasi o le isi.
O se taeao mugala o le aso Toonai i le Maketi o Neighborgoods. E te savali i lalo o faamalu felanulanuai o loo taupe i fafo atu o le faitotoa ma faalogologo i musika ola a o e saili mo se taumafataga sili o le aso. O le maketi Masani faaAferika i Saute e asu mai i se ulo uamea—sosi pesto, faisua, fualaau faisua, taga o mea manogi, ia—e te manao e faataitai i mea uma.
Maliu mai i Johannesburg.
“O se nofoaga e matua mafanafana, ma le faafiafia loto,” o le tala lea a Ross Mpye, 28. O le ola ma le pisapisao o “Johannesburg” e faateia ai tagata asiasi mai, atonu e lei faamoemoeina ni fale maualuluga. “E te le mauaina ni leona o feoai i alatele,” o le tala lea a Ross.
O se tamaitiiti aoga o le iunivesite o loo suesueina fesootaiga ma o se tina ua tatala le faaipoipoga ma se atalii e lima-tausaga le matua, o Nate, e galue Ross o se tagata e taitaia ma lagolagoina le tekinolosi. Mai lona toa i le tofoina o mea taumafa i ana taumafaiga e auauna atu i isi, o ia o se tagata le fefe, faafiafia loto, ma le faamaoni i lona olaga i aso taitasi.
O loo aapa atu le Au Paia i Johannesburg i isi ma i latou o siomia ai i latou. Mo se faataitaiga, ina ua lolovaia le maota o le uo a Ross o Tumi, e tele ni uo mai le ekalesia na fesoasoani e faamama le vai ma faafiafia le aiga. “O lenei mea o se liliuga mo le tina o Tumi, e le o se tagata lotu,” o le tala lea a Ross. “Sa amata ona ia feiloai atu i faifeautalai, ma i le taimi nei o ia o se tagata lotu ma o se faiaoga o le Aualofa.” O ia ituaiga tausiga alofa e fai a si masani ai, aua e vaai atu isi tagata lotu o Aferika i Saute i le tasi ma le isi o ni uso ma ni tuafafine. “Matou te faaaofia i matou lava e peiseai o o matou faafitauli,” o le tala lea a Ross.
E pei ona silafia e Ross, ua faataitaia lenei alofa e le Tama Faalelagi ma Iesu Keriso. “O le ituaiga o alofa lenei ua faamanuiaina ai i tatou e le Tama Faalelagi. E malamalama ma e silafia e Ia ou olioliga ma faanoanoaga i le avea ai ma se tagata talavou i le aso o loo feagai ma luitau o loo Ia mautinoa ou te manumalo ai,” o lana tala lea.
O le sootaga a Ross ma le Faaola e aafia ai lona ola i le tele o auala, mai ana fegalegaleaiga ma isi i le galuega i lana suesuega faaletagata lava ia. “O siosiomaga faalegaluega e mafai ona matuia,” o lana tala lea. “O nisi tagata e fai upu malolosi ma o nisi e faia ni faaiuga le faamaoni, e mafaufau e le taua. Ua faamanuiaina au i le mauaina o mataupu faavae o le talalelei ma aoaoga a perofeta i lou olaga. Pe a ou amata i lou aso i le suesueina o tusitusiga paia ma se tatalo, e fesoasoani ai ia te au e faatumauina le Agaga ia te au i taimi uma. Pe a ou fetaiai ma faaosoosoga, o le leo itiiti, ma le filemu e faamanatuina mai ia te au po o ai au ma po o a mea ou te tu atu e sui ai. E fesoasoani lenei mea ia te au ina ia ou tumau faamaoni ai i ou tulaga faatonuina.”
O le Maketi o le Neighborgoods o se faatusa lea o le agaga faavaomalo o Johannesburg. Mo Ross, e suitulaga le moni o le talalelei i se mea e sili atu le loloto—o le folafolaga o le ola e faavavau.