Mga Ideya sa Family Home Evening

Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka mga ehemplo.

“Pagkinabuhi nga Panig-ingnan sa mga Magtutuo,” pahina 44: Si Elder Keetch naghisgot sa kaimportante sa pagpanalipod sa mga doktrina sa ebanghelyo uban sa gugma ug pagkamabination. Human mabasa ang iyang pakigpulong, mahimo kang maghisgot sa mga panahon sa kinabuhi sa mga sakop sa pamilya nga ilang gikinahanglan aron sa pagpanalipod sa ebanghelyo. Mahimo usa ninyong basahon ang usa ka istorya sa kasulatan mahitungod sa usa ka tawo kinsa mibarug sa ilang mga gituohan, sama sa istorya ni Daniel o Ester. Giunsa niini nga mga tawo sa pagpakita og gugma alang sa nanaglibut kanila ug ang Ginoo? Mahimo ninyong i-role-play ang usa ka sitwasyon diin ang mga sakop sa pamilya mahimong magpraktis sa pagpakigbahin sa ilang mga gituohan sa nagkalain-laing mga hilisgutan uban sa kalinaw ug panabut nga kinaiya.

“Unsa kaha kon bation nako nga dili ko sama ka maayo sa angay nakong mahimo?” pahina 68: Si Elder Holland naghisgot kon unsay buhaton kon kita mobati nga kita dili ingon niana ka maayo. Isip usa ka pamilya, kamo mahimong maghisgot mahitungod sa mga talento nga gihatag sa Langitnong Amahan sa matag sakop sa pamilya. Ikonsiderar ang pagdapit sa inyong pamilya sa pagsulat og usa ka tumong nga gusto nilang buhaton sa sunod nga bulan, maghisgut sa mga paagi sa pagkab-ot niini nga tumong, sa unsang paagi nga ang ilang mga talento makatabang kanila, ug unsa nga mga kahanas nga ilang gikinahanglan nga palamboon sa pagkab-ot sa ilang tumong. Mahimo ka nga mo-follow up niini nga kalihokan unya ug moawhag sa mga sakop sa pamilya sa paghimo ug pagpaningkamot sa pagkab-ot sa ilang mga tumong.