Doktrina nga Gihatagan og Gibug-aton
Hingpit nga Kalipay Mao ang Yawe sa Atong Espiritwal nga Pagsugakod
Presidente Russell M. Nelson, Presidente sa Korum sa Napulog Duha ka mga Apostoles, “Hingpit nga Kalipay ug Espirituhanon nga Pagsugakod,” Liahona, Nob. 2016, 84.
“Kon ang sentro sa atong kinabuhi anaa sa plano sa kaluwasan … ug ni Jesukristo ug sa Iyang ebanghelyo, mobati kita og kalipay bisan unsa pay mahitabo—o wala mahitabo—sa atong kinabuhi. …
“… Ang Iyang kalipay makanunayon, nagsiguro kanato nga ang atong ‘mga kasakitan sulod lamang sa mubo nga higayon’ [D&P 121:7] ug ipahinungod ngadto sa atong kaayohan. …
“… Sama diha sa tanang butang, si Jesukristo mao ang atong labing halangdong ehemplo, ‘nga tungod sa kalipay nga gibutang sa iyang atubangan miantus sa krus’ [Mga Hebreohanon 12:2]. Hunahunaa kana! Aron Iyang malahutay ang pinakasakit nga kasinatian nga nalahutay sukad dinhi sa yuta, ang atong Manluluwas nagtutok sa kalipay! …
“Kon motan-aw kita diha sa kalibutan ug mosunod sa mga pormula niini sa kalipay, dili gayud kita makaila og hingpit nga kalipay. … Ang hingpit nga kalipay usa ka gasa alang sa matinud-anon.”