Unsa ang posisyon sa Simbahan bahin sa edukasyon sa sekswalidad?

Ang mga lider sa Simbahan nag-ingon nga kinahanglan nga ang inyong mga ginikanan ang unang magtudlo kaninyo kabahin sa pisikal nga kasuod. Niini nga responsibilidad, ang mga ginikanan giawhag nga matinuuron ug yanong motudlo diha sa panimalay kabahin sa sekswal nga kasuod aron matabangan ang ilang mga anak nga makalikay sa seryuso nga mga kalapasan. Ang Simbahan adunay mga materyal aron sa pagtabang niini nga pagtudlo.

Kon kabahin na sa unsay gitudlo kaninyo diha sa eskwelahan mahitungod sa sekswalidad, ang mga lider sa Simbahan nag-awhag sa inyong mga ginikanan nga masayud kon unsay gitudlo didto ug sa pagbuhat sa unsay ilang mahimo sa pagsiguro nga kini nagsunod sa maayo nga moral ug matarung nga mga hiyas.