Folafolaga Faaperofeta
O Mea e Lua e Le Mafai e Le Faatuatua ona Faia
Peresitene Dieter F. Uchtdorf, Fesoasoani Lua i le Au Peresitene Sili, “Fogafale Fa, Faitotoa Mulimuli,” Liahona, Nov. 2016, 16, 17.
1. “O lo Tatou Tama oi le Lagi … o le a Ia le fosia lava se tasi e filifili le ala o le amiotonu. Sa lei fosia e le Atua Lana lava fanau e mulimuli ia te Ia i le muai olaga. O le a le itiiti o le a Ia fosia ai i tatou i le taimi nei a o tatou faimalaga ai i lenei olaga faaletino?
“O le a valaaulia e le Atua, ma faatauanau. O le a aapa mai pea le Atua ma le le faavaivai ma le alofa ma musumusuga ma faamalosiauga. Ae o le a le fosia lava e le Atua—o le a faatoilaloina ai e lena mea Lana fuafuaga sili mo lo tatou tuputupu ae e faavavau. …
2. “E le mafai ona faia e le faatuatua … le fosi lea o o tatou loto i le finagalo o le Atua. E le mafai ona tatou fosia le Atua ia lolo mai i o tatou manaoga—e tusa lava pe sao o tatou manatu po o le faamaoni foi o a tatou tatalo. …
“Leai, o le faamoemoega o le faatuatua e le o le suia o le finagalo o le Atua ae ia faamanaina i tatou ia faatino le finagalo o le Atua. O le faatuatua o le faalagolago—faalagolago e silafia e le Atua mea e le mafai ona tatou vaaia ma Na te silafia mea tatou te le iloaina.”