Misiōnare maita’i a’e, ’orometua maita’i a’e

I roto i te hō’ē ha’apurorora’a nā te ao nei, fātata e 71 000 elder ’e tuahine i roto e 422 misiōni tei fāri’i te ha’api’ipi’ira’a e nāhea ’ia riro ’ei misiōnare maita’i a’e ’e ’ei ’orometua maita’i a’e. E mau tauira’a tei ha’amanahia e te Peresidenira’a Mātāmua ’e te pupu nō te Tino ’Ahuru Ma Piti ’āpōsetolo tei fa’aara ’ei hō’ē tuha’a nō te ha’api’ipi’ira’a. E riro te tārena ’āpī i te fa’afāna’o i te mau misiōnare i te rāve’a fa’atanotano rahi no te fa’a’ohipara’a i te taime ’e te fa’aaura’a i te taime mai tei au i te vāhi tei reira rātou i te tāvinira’a.

Te fā nō teie rāve’a fa’atanotano rahi atu ā, ’o te tauturura’a ïa i te mau misiōnare ’ia ha’amara’a i te hotura’a i te mahana tāta’itahi, te fa’ata’ara’a i te mau fā fa’auru, te fa’anahonahora’a maita’i a’e, te ea maita’i a’e, ’e te fa’a’ohipara’a i tō rātou ti’amāra’a nō te rave i te mau fa’aotira’a parau ti’a nō ni’a i te huru e fa’a’ohipa i tō rātou taime. E fa’ati’a ato’a te reira ia rātou ’ia haere ’e ’ia ’ohipa maoro a’e.

Te tahi tauira’a i fa’aarahia ’o te hō’ē ïa fa’aitira’a o te nūmera o « te mau fa’a’itera’a niu » e fa’a’ohipahia e te mau misiōnare nō te fa’a’ite i tā rātou ’ohipa. ’Ua fa’aha’amana’ohia i te mau misiōnare ē e mea faufa’a te mau parau tumu ato’a i roto i te ’Ia Poro Haere i Tā’u Nei ’Evanelia ’e e ti’a ’ia ravehia.