Te fā o te Sōtaiete Tauturu

’Ua fa’atano te Sōtaiete Tauturu i te parau i roto tāna fa’ahitira’a fā. E tai’ohia i teienei : « E tauturu te Sōtaiete Tauturu i te fa’aineinera’a i te mau vahine nō te mau ha’amaita’ira’a o te ora mure ’ore ’a faarahi ai rātou i te fa’aro’o i te Metua i te Ao ra ’e ia Iesu Mesia ’e tāna tāra’ehara ; ’a ha’apūai ai rātou i te mau ta’ata, te mau ’utuāfare ’e te mau nohora’a nā roto i te mau ’ōro’a ’e te mau fafaura’a ; ’e ’a ’ohipa tāhō’ē ai rātou nō te tauturu i te feiā i roto i te fifi ».

E hōro’a mai te fa’ahitira’a i te mau mana’o hau atu ’o te tauturu i te mau vahine mo’a o te mau mahana hope’a nei ’ia hāro’aro’a i te hīro’a hanahana, te ’ohipa mure ’ore, ’e te fā a te tuahine tāta’itahi i roto i te Sōtaiete Tauturu.