Elder Joni L. Koch

Hitu ’Ahuru Hui mana fa’atere rahi

’Ua riro ’o Elder Joni Luiz Koch ’ei melo nō te ’Ēkālesia nō te piti o te u’i i Peretīria. ’Ua haere tōna nā metua ’o Luiz e’ ’o Etelca Gascho Koch, e hi’o i e rave rahi ’ēkālesia nō te fenua iho, i te mau matahiti mātāmua o tō rāua fa’aipoipora’a, nō te ’ite mai i te parau mau pae vārua.

Te mau hora i muri iho i te purera’a tōna metua vahine ma te hina’aro mau ’e ma te fafau ’ia pe’e i te Atua, ’ua tae mai te mau misiōnare i te ’ōpani o tōna nā metua. ’Aita i ono ’āva’e, ’ua bāpetizohia rāua.

Fānauhia i te matahiti 1962, ’ua pa’ari ’o Elder Koch i Joinville, Santa Catarina, Peretīria. ’Ua tauturu te fa’aurura’a a te feiā fa’atere o te ’Ēkālesia, mai te hō’ē ’orometua itoito nō te Paraimere, te hō’ē ’episekōpo mai te metua tāne te huru, ’e hō’ē peresideni titi itoito, iāna ’ia ora i te ’evanelia.

I muri a’e i te fa’aotira’a i te hō’ē misiōni rave tāmau i roto i te misiōni nō Peretīria São Paulo Apato’erau, ’ua haere ’o Elder Koch e ha’api’i i te parau fa’ata’ara’a nūmera i te fare ha’api’ira’a teitei nō Brigham Young, Provo (Utah, Marite). « I te hō’ē tere ho’ira’a i Peretīria, ’ua haere au i te pāroita a te hō’ē hoa, i reira tō’u fārereira’a i tō’u ho’a fa’aipoipo », tē parau ra Elder Koch. « ’Ua tāpiri mai ’oia iā’u ’e ’ua ani mai, ’ua fa’aipoipohia ānei au ». I muri iho e va’u ’āva’e arapaera’a nā te ātea noa—e 15 noa mahana fārerei-tino-ra’a—’ua fa’aipoipo ’oia ia Liliane Michele Ludwigia i te 26 nō ’ēperēra’ 1988, i roto i te hiero nō São Paulo Peretīria. E piti tā rāua tamari’i.

I muri a’e i te fāri’ira’a i te parau tū’ite nō BYU, i muri a’e i te roa’ara’a te parau tū’ite master fa’aterera’a faufa’a, ’ua ’ohipa ’o Elder Koch i roto i te ’ohipa hāponora’a tauha’a nā te ao nei. I te roara’a e 25 matahiti, ’ua ’ohipa ’oia nō e rave rahi tāiete ē tae roa ’ua pi’ihia ’oia ’ia tāvini tāmau i roto i te ’Ēkālesia.

’Ua tāvini ’o Elder Koch ’ei ’episekōpo, ’ei peresideni titi ’e ’ei Hitu ’Ahuru ārea. Tē tāvini ra ’oia ’ei peresideni nō te misiōni nō Mozambique Maputo i te pi’ira’ahia ’oia ’ei Hitu ’Ahuru Hui mana fa’atere rahi.

Tē parau ra ’o Elder Koch : « ’ua patu tāmau noa tō’u ’itera’a pāpū i roto i te tau nā roto i te mau ’itera’a pae vārua tei fāri’ihia i roto i te orara’a i te ’evanelia ». « ’O te Buka a Moromona te hō’ē o te tumu mau i roto i te ha’apūaira’a i tō’u ’itera’a pāpū nō te Fatu ’o Iesu Mesia, tāna ’Ēkālesia, ’e te peropheta Iosepha Semita ».