Cristina B. Franco

Tauturu piti i roto i te peresidenira’a rahi o te Paraimere

I te ’āpīra’a, ’ua ha’api’i mai te tuahine Cristina B. Franco ē mai te mea e uira’a tāna, e ti’a iāna e huri i te Metua i te Ao ra nā roto i te pure nō te hō’ē pāhonora’a.

« Tē ha’amana’o nei au i te haerera’a i tō’u māmā ra, e 11 matahiti tō’u, ’e ’ua ani au iāna i te hō’ē uira’a nō ni’a i te ha’api’ira’a tumu », ’ua parau ’oia. « ’Ua pāhono ’oia i tā’u uira’a ma te parau ato’a ē, ’eiaha ’oe e ’apo noa i tā’u mau parau’. Nō reira ’ua pure au ’e ’ua ani au i tō’u Metua i te Ao ra e parau mau ānei te reira ».

’Ua pāhonohia tāna anira’a, ’e mai reira mai ’ua ’ite ’oia e Metua i te Ao ra tōna tei here iāna ’e tē pāhono nei i tāna mau pure.

Pāturuhia i te 1 nō ’ēperēra 2017 i roto i te peresidenira’a rahi o te Paraimere, ’ua fānauhia ’o Cristina Beatriz Fraga i te matahiti 1958 e Hugo R. ’e e Maria A. Godoy Fraga i Buenos Aires, Rāparata.

I te torura’a o tōna matahiti, ’ua pātōtō te mau misiōnare i te ’ōpani o tōna nā metua. I muri mai i te tuātapapara’a ’e te haerera’a i te purera’a fātata e va’u ’āva’e, ’ua tomo nā ta’ata fa’aipoipo i roto i te ’Ēkālesia ’e ’ua ha’amata i te aupuru i tō rāua ’utuāfare i roto i te ’evanelia. I roto i te Paraimere ’ua fārerei ’oia ia Rodolfo C. Franco, e tamari’i tei riro mai i muri iho ’ei hoa rahi roa nōna.

I te 18ra’a o tōna matahiti, ’ua haere te ’utuāfare o te tuahine Franco i Utaha, Marite. I taua tau ra, ’ua ’ite rāua Rodolfo ē ’ua hina’aro rāua e fa’aipoipo, terā rā ’ua tītauhia Rodolfo ’ia tāvini i roto i te nu’u fa’ehau i Rāparata nō te tahi tau ri’i. ’Ua pāpa’i rata rāua, ’e i te fa’aotira’a tāna tau fa’ehau, ’ua fa’aipoipo rāua i te 15 nō tītema 1978, i roto i te hiero nō Roto Miti. E metua rāua nō e toru tamari’i.

Ma te pe’e i te ’ē’a o te metua tāne o te tuahine Franco, ’ei ta’ata hāmani uāti, ’ua ’ohipa nā ta’ata fa’aipoipo i roto i te hō’ē fare ho’o uāti i Roto Miti fātata e toru ’ahuru matahiti.

’Ua tāvini te tuahine Franco i roto i e rave rahi ti’ara’a i roto i te ’Ēkālesia. ’Ua tāvini ’oia i roto i te ’āpo’ora’a fa’atere rahi o te Paraimere mai te matahit 2005 ē tae atu i te matahiti 2010, ’e i te taime ’a pi’ihia ai ’oia i roto i te peresidenira’a rahi o te Paraimere, ’ua tāvini ’oia ’e tōna hoa fa’aipoipo, e peresideni misiōni tāna tāne nō te misiōni nō Resistencia, Rāparata