Parau fa’a’ite a te tuha’a fa’atere ’ohipa hi’opo’ara’a a te ’Ēkālesia, nō 2016
I te Peresidenira’a Mātāmua o te ’Ēkālesia a Iesu Mesia i te Feiā Mo’a i te mau Mahana Hope’a Nei
E te mau taea’e here ē : Mai tei arata’ihia i roto i te heheura’a i te tuha’a 120 o te Parau Ha’api’ira’a ’e te mau Parau Fafau, nā te Tōmite ha’apa’o i te tufa’a ’ahuru―’oia ho’i te Peresidenira’a Mātāmua, te pupu nō te Tino ’Ahuru Ma Piti ’āpōsetolo ’e te ’Episekōpora’a fa’atere rahi―e fa’ati’a i te mau ha’amau’ara’a a te ’Ēkālesia. E fa’a’ohipa te mau fa’anahora’a a te Ekalesia i te faufa’a moni mai tei fa’ata’ahia nā rātou, ’e ’ia au i te mau ture ’e te mau arata’ira’a.
Nā te tuha’a fa’atere ’ohipa hi’opo’ara’a a te ’Ēkālesia, tei roto te mau rave ’ohipa ’aravihi ’e te ta’a ’ē i te tahi atu mau tuha’a, te hōpoi’a ’ia rave i te mau hi’opo’ara’a nō te ha’apāpū i te tītī’aifarora’a i roto i te mau faufa’a tei fāri’ihia, te mau ha’amau’ara’a i ravehia ’e te pārurura’a i te mau faufa’a a te ’Ēkālesia.
’Ia au i te mau hi’opo’ara’a i ravehia, tē mana’o nei mātou ē, ’ua tāpa’ohia ’e ’ua ’ōperehia te mau faufa’a i fāri’ihia, te mau ha’amau’ara’a ’e te mau faufa’a a te ’Ēkālesia nō te matahiti 2016, mai te au i te ’āfata moni, te mau ture ’e te nūmerara’a a te ’Ēkālesia tei ha’amanahia. Tē pe’e nei te ’Ēkālesia i te peu e ha’api’ihia nei i tāna mau melo, ’ia ora mai te au i te faufa’a moni e vai ra, ’ia ’imi i te rāve’a e ha’apae i te mau tārahu ’e ’ia fa’aherehere i te faufa’a nō te tau fifi.
Ma te fa’atura,
Te tuha’a fa’atere ’ohipa hi’opo’ara’a a te ’Ēkālesia
Kevin R. Jergensen
Upo’o fa’atere