Sharon Eubank

Tauturu hō’ē i roto i te peresidenira’a rahi o te Sōtaiete tauturu

’Ei rave ’ohipa ’āpī i roto i te ’ohipa Tōtauturu i te ao nei a te ’Ēkalesia, ’ua ’ite ’o Sharon Eubank i te ’ati, te ’oto, ’e te mamae rahi ’o tei riro nōna ’ei ’ohipa fifi mau. Nā roto i te pure, ’ua tae mai iāna te hāro’aro’ara’a ē noa atu ā e nehenehe ’oia e tauturu i te Fatu i te aupurura’a i tāna mau tamari’i, e ’ere nāna e amo i teie pe’ape’a. « Nā Iesu Mesia e amo. E amo ’oia i te reira hōpoi’a. E ta’ata rātou nōna, ’e e fa’aro’o ’oia ’e e pāhono ’oia i tā rātou mau pure ». ’Ua taui teie pāhonora’a i tōna ’ite nō te toro atu i te rima ’e nō te tāvini.

Tau matahiti i muri mai, ’ei ti’a fa’atere nō pū tauturura’a LDS Charities a te ’Ēkālesia—te rima tōtauturu a te ’Ēkālesia nā te ao—’ua hōro’a atu te tuahine Eubank i te tauturu ’e ’ua fa’atiani i te fa’arava’ira’a iāna iho i te feiā i roto i te ’ati nā te ao ato’a nei.

Pāturuhia i te 1 nō ’ēperēra 2017, i roto i te Peresidenira’a Rahi o te Sōtaiete Tauturu, ’e tāmau noa ’oia i tōna ti’ara’a ’ei ti’a fa’atere nō te pū tauturura’a LDS Charities a te ’Ēkālesia. Tē vai ra te hō’ē « tū’atira’a rahi » i roto i te pū LDS Charities a te ’Ēkālesia ’e te Sōtaiete Tauturu, i reira te mau melo o te peresidenira’a rahi o te Sōtaiete Tauturu e pārahi i i roto i te ’āpo’ora’a fa’atere o te pū LDS Charities a te ’Ēkālesia, tē fa’ata’a nei ’oia. E ha’apūai tāna hōpoi’a ’e teie nā fa’anahora’a i terā tū’atira’a.

Fānauhia i te matahiti 1963, i Redding, California, Marite, ’o ’oia te matahiapo o nā hitu tamari’i a Mark ’e a Jean Eubank. I Bountiful, i Utah, i Marite, ’ua pa’ari te tuahine Eubank i ni’a i te hō’ē fenua e 4 tā, i reira te mau tamari’i Eubank i te fa’a’apura’a i te ’āpirito, te tāta’ira’a i te mau fa’ahī pape, ’e mea fātata roa nō te haere i te mau mou’a nō Utaha.

’Ua roa’a i te tuahine Eubank te parau tū’ite licence reo peretāne ’e te ’ā’amu i te fare ha’api’ira’a teitei nō Brigham Young i Provo, Utaha, ’e ’ua tāvini i roto i te misiōni nō Finland Helsinki.

Hau atu i tāna ’ohipa i roto i te tuha’a fa’atere nō te ’Ohipa tōtauturu, ’ua ’ohipa te tuahine Eubank i te Capitol Hill i Washington, D.C., Marite, e fatu ’oia ’e te tahi ta’ata nō te hō’ē taiete na’ina’i, ’e ’ua ora i te fenua ’ē’e i Tāpōnē ’e i Farani.

’Ua riro te rāve’a tāta’itahi ’ei hō’ē « ’ōu’a pae fa’aro’o » tei tauturu iāna ’ia ha’api’i mai i te mau ’aravihi tāna e fa’a’ohipa nei i teie mahana, tei fa’ati’a iāna ’ia fārerei i te mau ta’ata fa’ahiahia i roto ’e i rāpae ’au i te ’Ēkālesia, ’e tei hōro’a mai iāna i te here ’e te au maita’i i te mau hīro’a tumu, te reo, ’e te mā’a e rave rahi.