Ha’api’ira’a mai tā te Fa’aora

« ’Ua hina’aro tātou pā’āto’a e ha’api’i mai tā Iesu i ha’api’i », tē parau ra ’o Elder Jeffrey R. Holland nō te pupu nō te Tino ’Ahuru Ma Piti ’āpōsetolo i roto i te hō’ē ha’apurorora’a nā te ao nei, nā te mau ’orometua, i te 5 nō novema 2016. « E mea ’ōhie tāna ha’api’ira’a ’e te ’aifaro ti’a ’e te mana ».

’Ua parau ’o Elder Holland ē, e tauturu te Ha’api’ira’a mai tā te Fa’aora i te ha’amaita’ira’a i te ha’api’ira’a i roto i te ’Ēkālesia. Nō reira, ’a rave i te mau rurura’a a te ’āpo’ora’a a te mau ’orometua ha’api’i ’e te ha’amāramaramara’a o te mau ’orometua ’āpī, ’o tei tāu’aparauhia i roto i te ha’apurorora’a. E roa’a te ha’apurorora’a nā roto e 10 reo i ni’a ia teach.lds.org, ’oia ato’a e rave rahi mau video ’e te tahi atu mau mātēria nō te ha’amaita’i i te ha’api’ira’a.