Hoko ʻo Hangē ko Nīfaí
ʻI ha ʻaho ʻe taha ne u ako ʻi he Palaimelí fekauʻaki mo e faivelenga mo e angatonu ʻa Nīfaí. Ko ia ai naʻá ku fakakaukau ai ke hangē pē ko Nīfaí.
ʻI he ʻaho hono hokó naʻá ku fakahoko ha ngaahi fili naʻe lelei angé. Naʻe talahuʻi mai hoku tehiná. Naʻá ku ʻita. Naʻá ku fie taaʻi ia, ka naʻá ku fakakaukau ke u hangē pē ko Nīfaí. Naʻe ʻikai ke u tā hoku tehiná ka naʻá ku mavahe mei ai. Naʻe tokoni ia ke ʻosi ai ʻeku ʻitá.
ʻI ha taimi ʻe taha, naʻe vaʻinga ʻaki ʻe hoku tehiná ʻeku vakapuná taʻe te ne kole mai, pea naʻá ku hohaʻa te ne maumauʻi ia. Naʻá ku kole fakalelei ange ke ne fakafoki mai ia, pea naʻá ne fai ia!
ʻOku faingataʻa ke fili e totonú he taimi ʻe niʻihi, ka ʻoku ou fakakaukau ki he ngaahi sīpinga ʻa Sīsū mo Nīfaí. Naʻá ku lau foki ʻeku folofolá he pō kotoa pē, pea ʻokú ne tokoniʻi au ʻi he lolotonga ʻo e ʻahó ke fai ha ngaahi fili māʻoniʻoni. ʻOku ou ʻilo ko e taimi ʻoku tau tui faivelenga ai ʻo hangē ko Sīsū mo Nīfaí, te tau fiefia ai.