Fiefia ke Tokoni!

Mei ha fakaʻekeʻeke mo Jordan Wright, ʻIutā, USA

Ko ʻEniselina au! ʻOku ou saiʻia ʻi he ʻenisilatá (meʻakai faka-Mekisikou), fiká, mo e lanumata minitií. Ko ʻeku ongomātuʻá mei Puluniti, ko ha fonua ʻi ʻAfilika Hahake. Naʻe fāʻeleʻi au ʻi ha ʻapitanga kumi hūfanga ʻi Tenisenia. ʻOku ou nofo he taimí ni ʻi ʻIutā, USA.

Ko ha Hingoa Makehe

ʻOku ou lea faka-Pilitānia mo ha lea fakafonua ʻoku ui ko e Kilunitī. ʻOku ʻuhinga hoku fakaikú “Te u houngaʻia maʻu pē ʻi he meʻa ʻoku ou maʻú.” ʻOku ou fakamālō he ʻoku tokolahi ʻa hoku kāinga foki ʻoku nau nofo ofi mai pē.

Fāmili Fiefia

Lolotonga e ngaahi ʻaho mālōloó, ʻoku mau ō mo hoku fāmilí ki he ʻapi ʻo ʻemau Kui Fefiné ke maʻu meʻatokoni efiafi. ʻOku mau kai sambusas (tou fakapaku mo e laise pe kakanoʻi manu ʻi loto). Hili ia pea fai ʻe he mātuʻá ha ngaahi talanoa, tā ʻe heʻeku faʻē-tangatá mo hoku fanga tuongaʻané ha ngaahi nafa, pea u tauʻolunga mo hoku tokouá!

Ko Hono Tokoniʻi ʻo e Niʻihi Foʻoú

ʻOku ou saiʻia foki he tokoni ʻi he Palaimelí. ʻOku ʻi ai ha niʻihi ʻi homau koló ʻoku nau lea faka-Kilunitī ʻi ʻapi, mo ha niʻihi lea faka-Suahili. ʻOku mau lea faka-Pilitānia ʻi he Palaimelí. ʻI he taimi ‘oku haʻu ai ha niʻihi foʻou ki he Palaimelí ʻoku nau lea faka-Kilunitī ʻataʻatā pē, ʻoku ou tokoni ʻi he liliu leá kiate kinautolu.

Ko Hono Tokoni‘i e Niʻihi Kehé

ʻI heʻeku fuʻu lahí, ʻoku ou fie hoko ko ha neesi. Ka ʻi he taimi ní ʻoku ou lava ʻo tokoni ʻi hono fai e foó, fetongi e taipa hoku kiʻi tehina kei pēpeé, mo tokoni ki hoku kiʻi tehina ko Sofí ʻi heʻene ngāue fakaako mei ʻapí.