KO HA NGAAHI Tali mei ha ʻAposetolo
ʻE founga fēfē haʻaku tokoniʻi e taha kotoa ke nau ongoʻi ʻoku talitali lelei kinautolu ʻi he Palaimelí?
Fai ʻe ʻEletā Neil L. Andersen
ʻO e Kōlomu ʻo e Kau ʻAposetolo ʻe Toko Hongofulu Mā Uá
Mei he, “Ko ia Ia ‘Okú Ne Maʻu ʻa Kinautolú, ‘Okú Ne Maʻu Au,” Liahona, Mē 2016, 50.
‘Oku ‘ofa ‘a e ‘Otuá ‘i Heʻene fānau kotoa pē. Ko Hono ngaahi foha mo e ʻofefine moʻoni ‘a kitautolu. ʻOku fie maʻu ke tau fakaʻatuʻi mo angaʻofa. ʻOku ʻi ai ha niʻihi ʻo hotau ngaahi kaungāmeʻá ʻoku nau haʻu ki he lotú ʻiate kinautolu pē. ʻOku ʻikai lava ʻo papitaiso ha niʻihi kae ʻoua kuo nau fuʻu lahi.
Te ke lava ʻo tokoni ki ha taha ʻoku ongoʻi taʻelata pe tuenoa.
ʻE lava ke tokoni hono ʻiloʻi e hingoa ʻo ha tahá.
Fakaafeʻi ha taha ke tangutu ʻi ho tafaʻakí.
Tokoniʻi ʻa kinautolu ʻoku nau ongoʻi ilifia pe maá. Fakakaukau kiate kinautolu. Talitali lelei kinautolu.
Tau ala atu ʻo tokoni mo ʻofa lahi ange.