Autalavou
Manatuaina o le Alii i Aso Uma
Uo, feau, meaaoga, TV—e tele naua mea e manao mai mo lo tatou taulai atu. Ae o vaiaso uma lava, ua tatou folafola atu ai i le Tama Faalelagi, “[tatou] te manatua pea [Lona Alo, o Iesu Keriso]” (MF&F 20:79).
Fai mai Peresitene Eyring e mafai ona tatou “faia i aso uma filifiliga” e fesoasoani tatou te manatua ai le Faaola. Mafaufau e fai se sini i le masina lenei ia manatua atili ai le Faaola i aso taitasi. E mafai ona e faia se kalena ma tautino e fai se mea e tasi i le aso e atina ae ai lou sootaga ma Ia. Sa lisi mai e Peresitene Eyring ni mea e pei o le faitauina o tusitusiga paia, tatalo i le faatuatua, ma le auauna atu i le Faaola ma isi. O loo i ai foi le tusia o talaaga, auai i sauniga Lotu, faalogologo i konafesi aoao, alu i le malumalu, usuina o viiga—e alu pea le lisi! Pe a tatou manatua le Faaola i aso uma, ua folafola mai e Peresitene Eyring, “o le a oo malie ma tumau mai faamanuiaga … [ma] o le a mamanu ai i tatou ia avea ma ni soo moni o Iesu Keriso.”