Mai Pale i Sapporo
Tatou te nonofo i itu eseese o le lalolagi, ae e tutusa o tatou lagona pe a lata mai ia i tatou le mea e fausia ai malumalu!
O lou igoa o Rasela. Ou te nofo latalata i le Malumalu o Pale i Farani.
E taua tele le malumalu i lou aiga. A o lei fausia le Malumalu o Pale, e o ai ni malaga a o matou aiga i ni nai taimi o le tausaga i le Malumalu o Frankfurt Siamani. E 10 itula e tietie atu i ai ma le toe foi mai!
Sa matou fiafia e matamata i le faiga o le malumalu fou. O vaiaso uma lava pe a tuua le lotu, e faatietie atu ai i matou e o matou matua e vaavaai pe na a mai le aluga o lona fauga. Sa muamua lava ona latou talepeina i lalo se fale tuai ma eli se lua tele. Ona amata ai lea ona alu ae maualuga le fausiga o le malumalu. E lei umi ae i ai loa iina le maota o le Alii!
Matou te fiafia ma nai ou tei e o atu i le malumalu. O lou uso matua, o ia la e muamua alu e fai papatisoga. O loo matou faatalitali uma ma le naunautai mo o matou taimi e o ai foi. Matou te alolofa i le malumalu ma fiafia i le i ai o se malumalu i lo matou lava aai!
O lo’u igoa o Koshi. Ou te nofo latalata i le Malumalu o Sapporo Iapani. Ou te fiafia lava e nofonofo i talaane o le faamalama i lo’u fale ma matamata atu i le fauina o le malumalu.
I le taimi o le fale tatala, sa ou valaaulia ai lau uo lelei lava matou te o. O lona manatu sa manaia mea uma.
Ou te fia mafaufau i le faapaiaga o le malumalu e faapea o lona aso fanau lea. O le aso foi lena o lo’u aso fanau. Ma o le aso soifua foi o Peresitene Monson! Sa mafai ona matou i ai ma ou matua i totonu o le malumalu i le taimi na faapaia ai.
Ou te faafetai lava i lo’u nofo latalata i le malumalu. A i ai ni ou aso faigata i le aoga, e mafai ona ou savali atu i le fale e ui atu i ona lotoa. Ou te lagona le alofa o le Tama Faalelagi ia te au pe a ou i ai iina. O loo ou tulimataia lava le taimi e mafai ai ona ou alu i totonu e fai papatisoga ma i se taimi mulimuli ane ia faaipoipo ai iina.