O Se Perofeta Fou

Oti ese faatusa nei e fesoasoani e te faasoa atu ai tala o le talafaasolopito o le Ekalesia.

I le 1844, na o atu ai Iosefa ma Ailama Samita i le Falepuipui i Karefasi e faatalitali ai mo se faamasinoga. Sa talepe faamalosi e ni tagata leaga le falepuipui ma fasiotia ai le Perofeta ma lona uso! Sa le mautinoa e le Au Paia po o ai le isi perofeta e tatau ona i ai. Mulimuli ane, i se fonotaga sa saunoa ai Polika Iaga, sa faapea ona tupu ai se vavega. E toatele tagata na fai mai, sa pei uma lava ona foliga ma lona leo o Iosefa Samita! Sa latou iloa o le a avea o ia ma perofeta e sosoo ai. Ua tatou iloa i aso nei, a maliu se perofeta, o le Peresitene o le Korama a Aposetolo e Toasefululua e avea ma perofeta e sosoo ai.