Mau ʼāʼamu nō Iesu
’Ua haere mai Iesu e fārerei ia Iosepha Semita
E rave rahi matahiti i muri a’e i tō Iesu ti’afa’ahoura’a mai, ’ua tupu mai te hō’ē uira’a i roto i te hō’ē tamaiti tei piihia ’o Iosepha Semita. ’Aita ’oia i ’ite ē, e aha te ’Ēkālesia e ’āmui atu.
’Ua tai’o Iosepha i te Bibilia. Tē parau ra ē, e pāhono mai te Metua i te Ao ra i tā tātou mau uira’a mai te mea ē, e pure tātou iāna. ’Ua haere atura Iosepha i roto i te uru rā’au ’e ’ua pure atura i te Metua i te Ao ra.
’Ua pou maira te Metua i te Ao ra ’e ’o Iesu mai te ra’i mai. ’Ua parau maira Iesu ’eiaha ’o Iosepha e haere i roto i te tahi atu huru ’ēkālesia nō te mea ’aita rātou e ha’api’i ra i te mau mea ato’a nō tāna ’Ēkālesia.
’Ia pa’ari mai Iosepha, ’ua tauturu ’oia i te fa’aho’i mai i te ’Ēkālesia a Iesu i te fenua nei. ’Ua pi’ihia te reira Te ’Ēkālesia a Iesu Mesia i te Feiā Mo’a i te Mau Mahana Hope’a Nei. E tauturu te reira i te ta’ata ’ia ha’api’i mai nō ni’a ia Iesu ’e te Metua i te Ao ra.
Nā te tāi’ora’a i te mau pāpa’ira’a mo’a e ha’api’i hau atu iā’u nō ni’a i te Metua i te Ao ra. ’Ia pure ana’e au, e nehenehe tāna e pāhono ato’a mai i tā’u mau pure.